ఆహా ఓటీటీలో వస్తున్న అన్స్టాపబుల్ టాక్ షో సెకండ్ సీజన్ లో మరో ప్రతిష్టాత్మక ఎపిసోడ్ షూటింగ్ పూర్తయింది. పవర్ స్టార్ పవన్ కల్యాణ్… ఈ షోకి గెస్ట్ గా వచ్చారు. ఈ షోలో బాలకృష్ణ అతిధులుగా వస్తున్న వారి వ్యక్తిగతం జీవితంలో ఉన్న వివాదాస్పద అంశాలపైనా ప్రశ్నిస్తున్నారు. దీంతో పవన్ కల్యాణ్ మ్యారేజెస్ గురించి కూడా ఈ షోలో ప్రశ్నిస్తారా అన్న చర్చ జరిగింది. అలాంటి ప్రశ్నలు అడగవద్దని పవన్ మాట తీసుకున్నారన్న ప్రచారం కూడా సోషల్ మీడియాలో జరిగింది. కానీ అదంతా అబద్దం. షోలో పవన్ కల్యాణ్ ను.. బాలకృష్ణ పెళ్లిళ్ల వివాదం గురించి ప్రశ్నించారు.
అసలు ఈ పెళ్లి ఏంటయ్యా.. అని బాలకృష్ణ నేరుగా పవన్ ను ప్రశ్నించారు. దానికి పవన్ కల్యాణ్.. చాలా క్లియర్గా డీప్ గా తన జీవితంలో అసలేం జరిగిందో వివరించారు. ఎక్కడా దాచుకోలేదు. ఇంత కాలం తన వ్యక్తిగత జీవితాన్ని ఎక్కడా బయట పెట్టలేదు. కానీ ఈ షో ద్వారా ప్రజలకు క్లారిటీ ఇవ్వాలనుకున్నట్లుగా కనిపించింది. ఆయన మొత్తం చెప్పారు. బాలకృష్ణ కూడా.. పవన్ కల్యాణ్ సమాధానం విన్న తర్వాత .. ఇంత క్లియర్గా స్ట్రెయిట్ ఫార్వార్డ్ గా చెప్పిన తర్వాత కూడా.. కల్యాణ్ ని పర్సనల్ గా టార్గెట్ చేస్తే.. వాళ్లు ఊర కుక్కలతో సమానం అని కామెంట్ కూడా చేశారు.
వైసీపీ నాయకులు మాట్లాడితే పవన్ కల్యాణ్ పెళ్లిళ్ల గురించి మాట్లాడుతూంటారు. ఇంకా విశేషం ఏమిటంటే.. ఇలా మాట్లాడేవారిలో సీఎం జగన్ కూడా ఉంటారు. ఇటీవల ఆయన పవన్ లా ఆ భార్య కాకపోతే… ఈ భార్య లా ఉండనని చేసిన కామెంట్ చర్చనీయాంశమయింది. ఇప్పుడీ ఈ టాక్ షో తర్వాత వైసీపీ నేతలు ఎలా స్పందిస్తారో చూడాల్సి ఉంది.
ఈ షోలో మరో హైలెట్ ఏమిటంటే.. సాయి ధరమ్ తేజ్ మధ్యలో షోలో పార్టిసిపేట్ చేశారు. రామ్ చరణ్ .. ఫోన్ కాల్ ద్వారా మాట్లాడారు. మొత్తంగా పవన్ కల్యాణ్ ఎపిసోడ్ .. రాష్ట్రం మొత్తం మరోసారి హైలెట్ అయ్యే అవకాశం కనిపిస్తోంది. అది రాజకీయంగా.. ఇటు వినోదపరంగా కూడా ..!
