చిరంజీవి, రవితేజ కలసి చేస్తున్న వాల్తేరు వీరయ్య నుండి ఇప్పటివరకూ బయటికి వచ్చిన ప్రమోషనల్ స్టప్ అంతా మాసే. కానీ వీరయ్యలో ఎమోషనల్ యాంగిల్ కూడా వుంది. రవితేజ పాత్ర రూపంలో ఈ ఎమోషన్ ఉంటుందని ఇదివరకే విశ్వసనీయ వర్గాల ఇదివరకే తెలిసింది. ఇప్పుడు మెగాస్టార్ చిరంజీవి మాటల్లో వీరయ్య ఎమోషన్ పై క్లారిటీ వచ్చేసింది. తాజాగా జరిగిన వీరయ్య ప్రెస్ మీట్ లో చిరంజీవి వీరయ్య కంటెంట్ గురించి చెప్పారు.
”బాబీ ఈ కథతో వచ్చినపుడు తప్పకుండా గొప్పగా తెరపై ఆవిష్కరిస్తాడనే నమ్మకం. ఆ నమ్మకం ఈ రోజు నిజమైయింది. ఇప్పుడే సినిమా చూసి వస్తున్నాను. చాలా గొప్పగా చూపించాడు బాబీ. వీరయ్య గొప్ప ఎమోషనల్ జర్నీ. ఇందులో కొన్ని ఎమోషనల్ సీన్స్ కంటతడి పెట్టిస్తాయి” అని చెప్పుకొచ్చారు చిరు. మొత్తానికి మెగాస్టార్ మాటలతో వీరయ్యలో ఎమోషనల్ కోణం కూడా బలంగానే వుంటుందని అర్ధమౌతుంది.
