ఛైల్డ్ ఆర్టిస్ట్గా ఎన్నో సినిమాల్లో నటించిన తరుణ్ ‘నువ్వే కావాలి’తో హీరో అయిపోయి, ఆ సినిమా సూపర్హిట్ అవ్వడంతో లవర్బోయ్గా ఇమేజ్ సంపాదించుకున్నాడు. తన ఫస్ట్ మూవీ పెద్ద హిట్ అయిపోవడంతో హీరోగా తన రేంజ్ పెరిగిపోయిందనుకున్నాడు. దానికి తగ్గట్టుగానే ఆ తర్వాత తరుణ్ చేసిన సినిమా కొన్ని హిట్ అవ్వడంతో అందరు హీరోల కంటే కొంత ఎక్కువ మోతాదులోనే హెడ్ వెయిట్ పెరిగింది. కెరీర్ స్టార్టింగ్లోనే ఆర్తీ అగర్వాల్తో లవ్ ఎఫైర్ నడపడం, అది సెటిల్మెంట్ కోసం ఇండస్ట్రీ పెద్దల వరకు వెళ్ళడంతో అప్పటివరకు లవర్బోయ్ అనిపించుకున్న తరుణ్కి బ్యాడ్ ఇమేజ్ వచ్చేసింది. హీరోగా బిజీగా వున్న టైమ్లో మెగాస్టార్ చిరంజీవి తర్వాత ఇండస్ట్రీలో తనే హీరో అనే భ్రమలో వుండేవాడు. కానీ, సినిమా ఇండస్ట్రీలో ఏదీ శాశ్వతం కాదన్న విషయం గ్రహించలేకపోయాడు. ఆ భ్రమలో వుండగానే తనతో సినిమాలు తియ్యాలనుకునే నిర్మాతల క్యూ తగ్గింది. కొన్ని సందర్భాల్లో మీడియాపై కూడా నోరు పారేసుకోవడంతో పైకి వెళ్తున్న అతని కెరీర్ గ్రాఫ్ కాస్తా పడిపోయింది. అడపా దడపా తరుణ్తో సినిమాలు తియ్యడానికి ముందుకొచ్చే నిర్మాతలు ఇప్పుడు అది కూడా చెయ్యడం లేదు. అతను మేకప్ వేసుకొని చాలా కాలమైంది. తరుణ్తో సినిమా తీసేందుకు తెలుగులో నిర్మాతలు ముందుకు రావడం లేదన్న విషయం అందరికీ తెలిసిందే. అందుకే ఇప్పుడు కర్ణాటక నుంచి ఒక ఎస్.వి.ప్రకాష్ అనే ప్రొడ్యూసర్ దిగుమతి అయ్యాడు. ‘ఇది నా లవ్స్టోరీ’తో రమేష్గోపి దర్శకత్వంలో రూపొందుతున్న చిత్రానికి సంబంధించిన ఫస్ట్లుక్ను జనవరి 8 తరుణ్ బర్త్డే సందర్భంగా రిలీజ్ చేశారు. తెలుగులో కొత్త ప్రొడ్యూసర్ కావడంతో ఈ సినిమా కోసం నిర్మాత చాలా భారీగానే ఖర్చు పెడుతున్నట్టు తెలిసింది. తరుణ్తో సినిమాలు తీసేందుకు ఏ నిర్మాతా ముందుకు రాని టైమ్లో ఎస్.వి.ప్రకాష్.. తరుణ్కి బకరాలా భలే దొరికాడు కదూ!
తరుణ్కి భలే ‘బకరా’ దొరికాడులే.!
