నిన్న రిలీజ్ అయిన కుమారి 21ఎఫ్ అనుకున్నట్టుగానే సిని ప్రముఖుల ప్రశంసలను కూడా అందుకుంటుంది. అయితే దీనిలో మొదటిగా గొప్ప దర్శకుడు అంతకంటే గొప్ప విమర్శకుడు రాం గోపాల్ వర్మ ఈ సినిమా గురించి పొగిడాడు. వర్మ పొగడం కాస్త ఆశ్చర్యం అనిపించినా ఏదీ ఒక స్పెషాలిటీ లేనిది వర్మ పనులు ఉండవు కాబట్టి రాజ్ తరుణ్ ని పొగుడుతూ స్టార్ హీరోల వారసులకు చురకలు వేశాడు. ఇండైరెక్ట్ గా వర్మ అందరికి షంటింగ్ ఇచ్చాడు అని దానర్ధం.
భారీ బడ్జెట్ తో వచ్చినంత మాత్రాన సినిమాలు హిట్ అవ్వవు.. సింపుల్ గా రాజ్ తరుణ్ లా సినిమాలు చేస్తే చాలు అంటూ సెటైర్ వేశాడు వర్మ. అంతేకాదు స్టార్స్ వారి వారసులు రాజ్ తరుణ్ సినిమాలు చూడాలని కూడా మెసేజ్ చేశాడు. వర్మకు ఏదన్న విషయం నచ్చితే అది ఎక్కడికి లేపుతాడో మనకు తెలిసిందే కదా.. ప్రస్తుతం వర్మ కుమారి 21ఎఫ్ సినిమాని పొగుడుతూ రాజ్ తరుణ్ ని లేపుతున్నాడు.
రాజ్ తరుణ్ మీద స్టార్ హీరోలు చూపు చూడాలని హింట్ ఇచ్చినట్టే ఉంది. ఏమాట కామాట చెప్పాలంటే వర్మ అన్నాడని కాదు కాని.. ఉయ్యాల జంపాలతో ఎంట్రీ ఇచ్చిన రాజ్ తరుణ్ సినిమా సినిమాకు చాలా పరిణితి సాధిస్తున్నాడు. సింపుల్ కథే అయినా నటనతో అందరిని ఆకట్టుకుంటున్నాడు ఈ కుర్ర హీరో. మరి కెరియర్ ఎలా ఉంటుందో తెలియదు కాని ప్రస్తుతం మాత్రం సినిమా తీస్తే హిట్టే అన్నట్టు ఉంది రాజ్ తరుణ్ పరిస్థితి.
