సూపర్ స్టార్ మహేష్ బాబు ప్రస్తుతం చేస్తున్న సినిమా బ్రహ్మోత్సవం. రీసెంట్ గా శ్రీమంతుడు సినిమా హిట్ జోష్లో ఉన్న మహేష్ బ్రహ్మోత్సవంను త్వరగా కంప్లీట్ చేసి సంక్రాంతికి రిలీజ్ చేద్దామని ట్రై చేసినా కుదరలేదు. రామోజి ఫిల్మ్ సిటీలో సంగీత్ సాంగ్ తో స్టార్ట్ అయిన బ్రహ్మోత్సవం షూటింగ్ స్టార్ట్ అయ్యి రెండు నెలలు కావొస్తున్నా సినిమా ఏమాత్రం ముందుకు జరగట్లేదట. సినిమాలకు గ్యాప్ ఇచ్చి దసరా టైంలో హాలీ డే ట్రిప్ వేసొచ్చిన మహేష్ కు బ్రహ్మోత్సవం దర్శకుడు చిన్న ట్విస్ట్ ఇచ్చాడట.
సినిమా అనుకున్నప్పుడు చెప్పిన కథకు తీసే దానికి సంబంధం లేకపోవడంతో డౌట్ వచ్చి డైరక్టర్ శ్రీకాంత్ అడ్డాల ని అడిగాడట మహేష్. అయితే కొన్ని సీన్లు మార్చామని చెప్పగా శ్రీకాంత్ పై సీరియస్ అయ్యి షూటింగ్ కొన్నిరోజులు మహేష్ పోస్ట్ పోన్ చేశాడని అంటున్నారు.. ఫిల్మ్ నగర్లో వినిపిస్తున్న ఈ గాసిప్ నిజమా కాదా అన్నది తెలియదు కాని మహేష్ కు తెలియకుండా కథలో మార్పు చేసింది మాత్రం నిజమే అని తెలుస్తుంది. శ్రీమంతుడు హిట్ ఫామ్ని కొనసాగించేందుకు ప్రయత్నిస్తున్న మహేష్ కథల విషయంలో చాలా జాగ్రత్తలు తీసుకుంటున్నాడు.
ప్రసాద్ వి పొట్లూరి నిర్మిస్తున్న బ్రహ్మోత్సవం సినిమాకు మహేష్ కూడా సహ నిర్మాతగా వ్యవరిస్తుండటం విశేషం. మార్చిన సీన్స్ మహేష్ కు నచ్చే విధంగా చేసి స్క్రిప్ట్ రెడీ చేస్తేనే గాని సినిమా మళ్లీ పట్టాలెక్కదు అంటున్నారు. మరి మహేష్ కోసం డైరక్టర్ శ్రీకాంత్ అడ్డాల ఏం చేస్తాడో చూడాలి.
