సొంతగడ్డపై తిరుగులేని.. 2012 నుంచి సిరీస్ కోల్పోని.. వరుసగా 18 టెస్టు సిరీస్ల్లో ఎదురులేని టీమ్ఇండియా ఇప్పుడు ఓటమిని ఎదురుకుంది. భారత్లో తొలి టెస్టు సిరీస్ న్యూజిలాండ్ కైవసం చేసుకుంది. పుణె వేదికగా జరిగిన రెండో టెస్టులో భారత్పై కివీస్ 113 పరుగుల తేడాతో విజయం సాధించింది.
359 పరుగుల లక్ష్యంతో బరిలోకి దిగిన భారత జట్టు.. 245 పరుగులకు ఆలౌటైంది. భారత బ్యాటర్లలో యశస్వి జైస్వాల్ (77) రాణించగా.. మిగతావారు భారీ స్కోర్లు చేయలేకపోయారు. తొలి ఇన్నింగ్స్లో ఏడు వికెట్లతో చెలరేగిన మిచెల్ శాంట్నర్.. సెకండ్ ఇన్నింగ్స్లో ఆరు వికెట్లతో భారత్ ఓటమిలో కీలక పాత్ర పోషించాడు.
ఈ గెలుపుతో2-0తో కైవసం చేసుకొని చరిత్ర సృష్టించింది న్యూజిలాండ్. భారత గడ్డపై న్యూజిలాండ్ టెస్టు సిరీస్ గెలవడం ఇదే తొలిసారి. తొలి టెస్ట్ లో భారత్ ఓటమి అభిమానులకు షాక్ ఇచ్చింది. ముఖ్యంగా 46 పరుగుల ఇన్నింగ్స్ అభిమానులకు పీడకలగా మిగిలింది. రెండో టెస్ట్ తో జట్టు పుంజుకుంటుదని భావించిన ఫ్యాన్స్ కు ఈ ఓటమి కలతని మిగిల్చింది.
