https://www.youtube.com/watch?v=mdY7MK9jIS8
ఉయ్యాల‌వాడ న‌ర‌సింహారెడ్డి జీవిత క‌థ‌.. సైరా న‌ర‌సింహారెడ్డి కోసం తెర ముందు క‌నిపించేవారు, తెర వెనుక క‌ష్ట‌ప‌డేవాళ్లెవ‌రో తెలిసిపోయింది. చిరు 151వ చిత్రంలో బిగ్‌బి అమితాబ్ బ‌చ్చ‌న్ న‌టిస్తున్నార‌న్న వార్త‌లు ముందు నుంచీ వినిపిస్తూనే ఉన్నాయి. ఇప్పుడు అదే నిజ‌మైంది. బిగ్ బీ ఈ సినిమాలో ఓ కీల‌క పాత్ర పోషిస్తున్నారు. జ‌గ‌ప‌తిబాబు, సుదీప్‌, విజ‌య్ సేతుప‌తి కీల‌క పాత్ర‌లు పోషించ‌బోతున్నారు. క‌థానాయిక‌గా న‌య‌న‌తార పేరు ఖ‌రారైంది. రెహ‌మాన్ సంగీతం అందిస్తున్నాడు. ర‌వి వ‌ర్మ‌న్ కెమెరా అందించ‌బోతున్నారు. రాజీవ‌న్ ప్రొడ‌క్ష‌న్ డిజైన‌ర్‌గా ప‌నిచేయ‌బోతున్నారు. ఇందులో ఐశ్వ‌ర్యారాయ్ ఓ కీల‌క పాత్ర పోషించ‌నుంద‌ని ప్ర‌చారం జోరుగా సాగింది. దానిపై ఇంకా ఎలాంటి క్లారిటీ రాలేదు. కాస్టింగ్‌లో కూడా ఆమె పేరు క‌నిపించ‌లేదు. డిజిట‌ల్ పోస్ట‌ర్ కోసం మాత్రం త‌మ‌న్ నేప‌థ్య సంగీతం అందించాడు.