చిరంజీవి 151వ సినిమా టైటిల్ ఏంటన్న ఉత్కంఠతకు తెర పడింది. ఈ చిత్రానికి ‘సైరా – నరసింహారెడ్డి’ అనే పేరు ఖరారు చేశారు. టైటిల్ కి తగ్గట్టే మోషన్ పోస్టర్ని విడుదల చేశారు. ఏఆర్ రెహమాన్ ఇచ్చిన ఆర్. ఆర్… ఈ సినిమాలో ఎమోషన్ ఏ రేంజులో ఉండబోతోందో తేల్చింది. కోటపై తగలబడుతున్న బ్రిటీష్ జెండా – ఈ సినిమా కథేంటో చూచాయిగా చెప్పేస్తోంది. మొత్తానికి మోషన్ పోస్టర్తోనే ఓ సంచలనం సృష్టించేశాడు చిరు. మెగా అభిమానులు ఎప్పుడెప్పుడా అని ఎదురుచూస్తోన్న 151 సినిమా సంగతులు… ఈ రోజు చిరు పుట్టిన రోజు సందర్భంగా రివీల్ చేసేశారు. ఈ చిత్రానికి రెహమాన్ని సంగీత దర్శకుడిగా ఎంచుకొంది చిత్రబృందం. నయనతార కథానాయికగా నటించబోతోంది. ‘ఉయ్యాల వాడ నరసింహారెడ్డి ‘ టైటిల్ గా అనుకొన్నా, ‘మహవీర’ అనే మరో టైటిల్ పరిశీలనలోకి వచ్చినా.. చివరికి ‘సైరా – నరసింహారెడ్డి’ అనే పేరు ఖరారు చేసి ఆశ్చర్యపరిచింది చిత్రబృందం. ఈ టైటిల్కి ఎలాంటి స్పందన వస్తోందో చూడాలి. టైటిల్ చూసి పెదవి విరిచిన వాళ్లు కూడా.. మోషన్ పోస్టర్లో రెహమాన్ సౌండింగ్తో వింటే అదిరిపోయిందనే అంటున్నారు. ఇక కొత్త రికార్డులు లిఖించడానికి బాక్సాఫీసు సయ్యా…!
సై ‘సై రా… నరసింహారెడ్డి’
