‘నాంది’ సినిమా అల్లరి నరేష్ కి కొత్త ఆరంభాన్ని ఇచ్చింది. విజయ్ కనకమేడల తీసిన ఈ చిత్రం నరేష్ కి చాలా కాలం తర్వాత విజయాన్ని చూపించింది. ఇప్పుడు ఈ కాంబినేషన్ లో మరో సినిమా ‘ఉగ్రం’ వస్తోంది.
తాజాగా ట్రైలర్ ని విడుదల చేశారు. దాదాపు కథ ట్రైలర్ లో రివిల్ చేశారు. మిస్సింగ్ కేసులు చుట్టూ నడిచే కథ ఇది. దేశంలో రోజుకి రెండువేలు పైగా మిస్సింగ్ కేసులు నమోదౌతున్నాయి. ఈ మిస్సింగ్ కేసుల వెనుక పెద్ద నెట్ వర్క్ రన్ అవుతోంది. ఆ నెట్ వర్క్ ని చేధించే భాద్యత తీసుకునే పోలీస్ అధికారి శివకుమార్ గా కనిపించారు నరేష్.
ట్రైలర్ సెకండ్ హాఫ్ లో నరేష్ పాత్ర కు మరో కోణం వుంది. ఇది నరేష్ కి పూర్తిగా కొత్త చాలా మాస్ ఇంటెన్స్ రోల్ కనిపించారు నరేష్. తన మేకోవర్ కూడా కొత్తగా వుంది. అల్లరి నరేష్ లో ఇంత మాస్ ఉందా ? అనిపించేలా వున్నాయి సీన్లు. ఇదొక యాక్షన్ ప్యాక్డ్ చిత్రమని ట్రైలర్ చెబుతోంది. నరేష్ ఎన్నడూ చేయనంత యాక్షన్ ఉగ్రంలో చేసినట్లు ట్రైలర్ చూస్తే అర్ధమౌతుంది. మే 5 సినిమా ప్రేక్షకుల ముందుకు వస్తోంది.
