చంద్రబాబునాయుడు సోదరుడు, చంద్రగిరి మాజీ ఎమ్మెల్యే నారా రామ్మూర్తి నాయుడు ఆరోగ్యం విషమించింది. హైదరాబాద్ లోని ఏఐజీ ఆస్పత్రిలో ఆయన కొంత కాలంగా చికిత్స పొందుతున్నారు. ఈ కారణంగా నారా లోకేష్ అన్ని కార్యక్రమాలు రద్దు చేసుకుని హైదరాబాద్ చేరుకున్నారు. చంద్రబాబు మహారాష్ట్ర పర్యటనను రద్దు చేసుకుని ఢిల్లీ నుంచి హైదరాబాద్ చేరుకుంటారు.

రామ్మూర్తి నాయుడుకు దీర్ఘ కాల అనారోగ్యం ఉంది. ఆయన రాజకీయాల్లోకి వచ్చి టీడీపీ తరపున చంద్రగిరి నుంచి పోటీ చేసి విజయం సాధించారు. తర్వాత ఓడారు. అయితే ఆరోగ్యం దెబ్బతినడంతో ఆయన చాలా కాలంగా చికిత్స తీసుకుంటున్నారు. బయటకు రాలేనంత తీవ్ర అనారోగ్యం ఉండటంతో కుటుంబసభ్యులే కంటికి రెప్పలా చూసుకుంటున్నారు. హఠాత్తుగా ఆయన పరిస్థితి విషమించినట్లుగా తెలుస్తోంది.

రామ్మూర్తి నాయుడుకు ఇద్దరు కుమారులు ఉన్నారు. వారిలో ఒకరు నారా రోహిత్. సినిమా హీరోగా ఉన్నారు. ఇటీవల ఆయన వివాహ నిశ్చితార్థం చంద్రబాబు దంపతుల చేతుల మీదుగా జరిగింది.