ఏపీ ముఖ్యమంత్రి చంద్రబాబునాయుడు సోదరుడు నారా రామ్మూర్తి నాయుడు హైదరాబాద్‌లోని ఏఐజీ ఆస్పత్రిలో కన్నుమూశారు. దీర్ఘకాల అనారోగ్యంతో ఉన్న ఆయన ఆస్పత్రిలో చికిత్స పొందుతున్నారు. ఆయన పరిస్థితి విషమించడంతో కార్డియాక్ అరెస్ట్‌తో చనిపోయారు. ఈ విషయాన్ని నారా రోహిత్ పీఆర్వో అధికారికంగా మీడియాకు తెలిపారు.

నారా లోకేష్ అన్ని కార్యక్రమాలు రద్దు చేసుకుని ఏఐజీ ఆస్పత్రికి చేరుకున్నారు. ఢిల్లీ పర్యటనలో ఉన్న చంద్రబాబు సాయంత్రం నాలుగు గంటలకు హైదరాబాద్ చేరుకుంటారు. మహారాష్ట్రలో ఎన్నికల ప్రచారాన్ని రద్దు చేసుకున్నారు. చంద్రగిరి మాజీ ఎమ్మెల్యే అయిన రామ్మూర్తి నాయుడు అనారోగ్యం కారణం చాలా కాలంగా బయటకు రాలేదు. పూర్తిగా మంచానికే పరిమితమయ్యారు. .

నారా రామ్మూర్తి నాయుడుకు ఇరువురు కుమారుడు ఉన్నారు. వారిలో ఒకరు నారా రోహిత్, సినిమా నటుడిగా మంచి గుర్తింపు తెచ్చుకున్నారు. ఆయన ఇటీవల నిశ్చితార్థం చేసుకున్నారు. చంద్రబాబునాయుడు దంపతులు దగ్గరుండి ఈ నిశ్చితార్థం నిర్వహించారు.

రామ్మూరి నాయుడు అంత్యక్రియలు స్వగ్రామం అయిన నారా వారి పల్లెలో జరుగుతాయని కుటుంబసభ్యులు ప్రకటించారు.