‘ఎన్టీఆర్’ ఆడియో ఫంక్షన్ని నిమ్మకూరులో చేద్దామనుకున్నాడు బాలయ్య. కానీ… అక్కడ వాతావరణ పరిస్థితులు అనుకూలించని కారణంగా ఆడియో వేడుక హైదరాబాద్కి షిఫ్ట్ అయ్యింది. అయితే.. చిత్రబృందంతో ఒక్కసారైనా నిమ్మకూరు వెళ్లాలని భావిస్తున్నాడు. అందుకోసం నిమ్మకూరు టూర్ప్లాన్ చేస్తోంది చిత్రబృందం. టీమ్ అంతా కలసి నిమ్మకూరుకి బస్ లో వెళ్లాలని నిర్ణయించుకున్నారని సమాచారం. అయితే అది విడుదలకు ముందా, తరవాత? అనేది తెలియాల్సివుంది. నిమ్మకూరులో విజయోత్సవ యాత్ర చేస్తే బాగుంటుందని బాలయ్య భావిస్తున్నాడు. అందుకే ఈ టూర్ `ఎన్టీఆర్` విడుదలైన తరవాతే… సంక్రాంతి పండగనాడు ఉండే అవకాశాలున్నాయి. క్రిష్ దర్శకత్వం వహించిన `ఎన్టీఆర్` బయోపిక్ ఈనెల 9న విడుదల అవుతున్న సంగతి తెలిసిందే. సంక్రాంతి పండక్కి వస్తున్న తొలి చిత్రం ఇదే. `ఎఫ్ 2`, `వినయ విధేయ రామ` సంక్రాంతి బరిలో ఉన్న మిగిలిన సినిమాలు.
‘ఎన్టీఆర్’ టీమ్.. నిమ్మకూరు టూర్!
