ఎన్టీఆర్ ఆర్ట్స్ పతాకంపై కల్యాణ్ రామ్ సినిమాల్ని నిర్మిస్తున్న సంగతి తెలిసిందే. తన సినిమాలకు తానే నిర్మాతగా వ్యవహరిస్తూ… కొన్ని చిత్రాల్ని రూపొందించాడు కల్యాణ్ రామ్. తమ్ముడు ఎన్టీఆర్తో `జై లవకుశ` తీసి హిట్ కొట్టాడు. ఇప్పుడు బాబాయ్ బాలకృష్ణతో ఓ సినిమా తీయాలని ప్లాన్ చేస్తున్నాడు. ఈ విషయమై.. బాలయ్య కూడా కల్యాణ్ రామ్కి గ్రీన్ సిగ్నల్ ఇచ్చేశాడట. 2020 ప్రధమార్థంలో ఈ ప్రాజెక్టు పట్టాలెక్క వచ్చు. ప్రస్తుతం బాబాయ్ కోసం కథలు వింటున్నాడు కల్యాణ్ రామ్. ఎన్.బీ.కే సినిమాపై బాలకృష్ణ నిర్మాతగా `ఎన్టీఆర్` బయోపిక్ రూపొందించిన సంగతి తెలిసిందే. ఇందులో కల్యాణ్ రామ్.. హరికృష్ణ పాత్రలో కనిపించనున్నాడు. ఎన్.బీ.కే లో కల్యాణ్ రామ్ నటించినట్టు.. ఇప్పుడు ఎన్టీఆర్ ఆర్ట్స్లో బాలయ్య కనిపిస్తాడన్నమాట.
ఎన్టీఆర్ ఆర్ట్స్లో బాలయ్య సినిమా
