పవర్స్టార్ పవన్కళ్యాణ్ లేటెస్ట్ సెన్సేషన్ ‘సర్దార్ గబ్బర్సింగ్’ సంక్రాంతి కానుకగా జనవరి 14న వచ్చేస్తున్నాడు. ఈ సంక్రాంతికి నాలుగు సినిమాలు పండగ చేసుకుంటున్న నేపథ్యంలో తను కూడా ఈ పండగలో పాలు పంచుకోవడానికి వస్తున్నాడు పవర్స్టార్. ఈ చిత్రానికి సంబంధించిన టీజర్ని జనవరి 14న రిలీజ్ చెయ్యబోతున్నారు దర్శకనిర్మాతలు. ‘గబ్బర్సింగ్’తో బిగ్గెస్ట్ హిట్ కొట్టిన పవన్కళ్యాణ్కి దాన్ని మించిన హిట్ ఇవ్వడానికి డైరెక్టర్ బాబీ పట్టుదలగా ఈ చిత్రాన్ని చాలా గ్రాండ్గా తీస్తున్నాడట. ఈ సంక్రాంతికి ‘సర్దార్ గబ్బర్సింగ్’కి సంబంధించిన టీజర్తో ప్రేక్షకుల్ని, అభిమానుల్ని టీజ్ చెయ్యడానికి పవర్స్టార్ రెడీ అయిపోయాడు. ‘రతన్పూర్ కా సర్దార్ గబ్బర్సింగ్ ఆగయా’ అనే క్యాప్షన్తో టీజర్కి సంబంధించిన పోస్టర్ని రిలీజ్ చేశాడు నిర్మాత శరత్ మరార్. ఈ పోస్టర్ ట్విట్టర్లో హల్చల్ చేస్తోంది. ఈ సినిమాకి సంబంధించిన కొత్త స్టిల్గానీ, కొత్త విశేషాలుగానీ తెలియక టెన్షన్ పడుతున్న పవర్స్టార్ అభిమానులకు ‘సర్దార్ గబ్బర్సింగ్’ టీజర్ ఈ పండగకు రావడం నిజంగా వాళ్ళకి కూడా పండగేనని చెప్పాలి.
సంక్రాంతి కానుకగా జనవరి 14న ‘సర్దార్ గబ్బర్సింగ్’ వచ్చేస్తున్నాడు.!
