ఏపీలో జగన్ పాలనపై తీవ్ర వ్యతిరేకత ఉందని సర్వేలు వెల్లడిస్తూండటంతో వైసీపీ స్ట్రాటజిస్టులు చిలక జోస్యాలపై వైపు మొగ్గుతున్నారు. ఐ ప్యాక్ వ్యూహకర్తలు.. ఏపీలో జగన్ కు పాజిటివ్ వైబ్స్ ఉన్నాయని చెప్పుకునేందుకు విచిత్రమైన ప్రయత్నం చేస్తున్నారు. అదేమిటంటే… నలుదిక్కులా ఉన్న చిలక జోస్యం చెప్పే అస్ట్రాలజర్లను పట్టుకుని వారితో ట్వీట్లు చేస్తున్నారు. వచ్చే ఎన్నికల్లో జగన్ గెలుస్తారని వారు ట్వీట్లు చేస్తున్నారు. ఆ ట్వీట్లను పట్టుకుని ఇక్కడ ఐ ప్యాక్ టీమ్.. సోషల్ మీడియాలో ప్రచారం చేస్తోంది.
వరుసగా నలుగురు, ఐదుగురు అస్ట్రాలజర్ల పేరుతో ట్వీట్లు చేశారు. కర్ణాటక ఎన్నికల్లో బీజేపీ గెలుస్తుందని జోక్యం చెప్పిన ఓ అస్ట్రాలజర్ తోనూ ట్వీట్ చేయించారు. ఆయన ట్వీట్ ను వైసీపీ నేతలు ప్రచారం చేసుకునేలోపే పాత ట్వీట్ వైరల్ అయింది. తాజాగా… హర్యానా కు చెందిన ఓ అస్ట్రాలజర్ తో ట్వీట్ చేయించారు. ఇలా వరుసగా సమయం సందర్భం లేకుండా జగన్ ప్రభుత్వం మళ్లీ వస్తుందని.. జగన్ సీఎం అవుతారని ఎందుకు ట్విట్టర్లో జోస్యాలు చెప్పిస్తున్నారో సులువుగానే అర్థం చేసుకోవచ్చు. అయితే ఉత్తరాది జనం ఈ జోస్యాలను నమ్ముతారేమో కానీ ఏపీలో మాత్రం.. కామెడీగా చూస్తారు. అదే జరుగుతోంది.
జగన్ మళ్లీ సీఎం అవ్వాలో లేదో తేల్చేది ఏపీ జనం. అసలు ఆంధ్రాకు ఎప్పుడూ రాని చిలకజ్యోతిష్టులు… డబ్బులు తీసుకుని ఓ ట్వీట్ పడేస్తే.. వాటిని చూపించి ఇక్కడ జగన్ గెలుస్తారని ప్రచారం చేసుకోవడం .. వారి భావదారిద్య్రానికి నిలువెత్తు సాక్ష్యం. ప్రజల్లో ఉన్న వ్యతిరికేత తగ్గాలంటే… చేసిన తప్పుల్ని దిద్దుకోవాలి కానీ.. చిలక జోస్యాలు చెప్పించుకుని ప్రచారం చేయించుకుంటే… పరువే పోతుంది. ఇలాంటి ప్రయత్నాలతో ప్రజల్ని మభ్య పెట్టగలమనుకుంటే… చివరికి ప్రజలు కర్రు కాల్చి వాత పెడతారు.
