వాళ్లే హత్యచేస్తారు. ఆ హత్య కేసుని బాధితుడి కుటుంబంపైనే వేస్తారు. మీరే హత్య చేశారని తమ దగ్గరున్న వనరులతో నమ్మించేందుకు ఘోరమైన కుట్రలు చేస్తారు. ఇది ఒక్క వివేకా కేసులోనే కాదు.. బయటపడుతున్న ప్రతి నేరంలోనూ ఇదే స్ట్రాటజీ కనిపిస్తోంది. పరకామణి కేసు.. లడ్డూల కేసు ఇలా అన్నీ అంతే. సిట్ వైసీపీ హయాంలోని ఐదేళ్లలో నెయ్యి కల్తీ జరిగిందని తేలిస్తే.. అంతకు ముందు పదేళ్ల పాటు కూడా దర్యాప్తు చేయాలని వాదిస్తున్నారు. ఇలాంటి తెలివితేటలను కోర్టుల్లోనూ చూపిస్తున్నారు.
తన తండ్రిని హత్య చేసిన వారిని చట్టం ముందు శిక్షించాలని సునీత పోరాడుతున్నారు. ప్రతి దశలోనూ తండ్రిని ఆమె హత్య చేయించారని ప్రచారం చేసేందుకు ఏ మాత్రం వెనుకాడలేదు. అధికారంలో ఉన్నప్పుడు అదే చేశారు. కేసు సీబీఐ చేతికికి వెళ్లకపోతే వారి చేతుల్లోనే ఉంటే ఈ పాటికి సునీత, ఆమె భర్త ఇద్దరూ వివేకానందరెడ్డి హత్యకేసులో జైలుకు వెళ్లేవారేమో?. ఆమె పట్టుబట్టి సీబీఐ విచారణకు ఆదేశాలు తెచ్చుకుని శ్రమిస్తూంటే.. ఇప్పుడు విచారణ ఆలస్యం చేస్తోంది ఆమేనని కోర్టుల్లో వాదిస్తున్నారు.
హత్య కేసు నిందితులు తప్పించుకోకుండా.. జైలుకెళ్లేందుకు ఆమె పిటిషన్లు వేసి పోరాడుతున్నారు. కానీ ఇలా పోరాడటం వల్లనే ఆలస్యం అవుతోందని లేకపోతే తాము ఎప్పుడోబయటపడిపోయేవారమన్నట్లుగా వారు కోర్టుల్లో అతి తెలివి ప్రదర్శిస్తున్నారు. ఓ వ్యక్తికి అన్యాయం చేయడమే కాకుండా.. అతనిపైనే నిందలేసి.. క్యారెక్టర్ను కూడా చంపేసి తమ పబ్బం గడుపుకునే మనస్థత్వం .. మామూలు మనుషులకు ఉండదు. కొంచెమైనా మనస్సాక్షి అనేది ఉంటే.. పాపభీతి ఉంటుంది. అదేమిటో.. అసలు ఈ నిందితులకు తెలియదు.
