డిప్యూటీ సీఎం అంటే.. ఒకరుంటారు. …లేకపోతే ఇద్దరుంటారు. దేశంలో ఉత్తరప్రదేశ్ లాంటి అతి పెద్ద రాష్ట్రంలోనూ… ఇలాగే జరిగింది. ఏకంగా ఐదుగురు డిప్యూటీ సీఎంలు ఉన్న చరిత్ర గతంలో లేదు. ఇప్పుడు.. ఆ చరిత్రను జగన్మోహన్ రెడ్డి సృష్టిస్తున్నారు. ఏకంగా తన కేబినెట్లో ఐదుగురు డిప్యూటీ సీఎంలకు చాన్స్ ఇస్తున్నారు. ఐదు కీలకమైన సామాజికవర్గాలకు ప్రాధాన్యం కల్పిస్తూ ఈ నిర్ణయం తీసుకున్నారు. ఎస్సీ, ఎస్టీ, బీసీ, కాపు, మైనార్టీల నుంచి.. ఈ డిప్యూటీ సీఎంలు ఉండబోతున్నారు. ఈ విషయంలో… వైసీపీఎల్పీ సమావేశంలో జగన్ .. నేరుగా ఎమ్మెల్యేలుకే చెప్పారు.
మంత్రి పదవుల కోసం ఎదురు చూస్తున్న వారికి జగన్మోహన్ రెడ్డి నిర్ణయం కాస్త ఆశ్చర్యంగానే ఉంది. ఎవరెవరికి మంత్రి పదవులు లభించబోతున్నాయో. .. అధికారికంగా చెప్పలేదు కానీ.. కొన్ని సూచనల ద్వారా.. ఆయా ఎమ్మెల్యేలకు… సమాచారం అందిస్తున్నారు. ఈ రోజు సాయంత్రం అధికారికంగా మంత్రుల గురించి ప్రకటన చేసే అవకాశం ఉంది. రేసులో ఉన్న వాళ్ల కంటే.. చాలా కొత్త పేర్లు వెలుగులోకి వచ్చే అవకాశం కనిపిస్తోంది. తిరుగులేని మెజార్టీ ఉన్నందున.. ఎక్కువ సీనియర్లకు కాకుండా… యువ నేతలకు చాన్సిచ్చే అవకాశాలు ఉన్నాయని చెబుతున్నారు. స్పీకర్గా తమ్మినేని సీతారాం పేరును ఖరారు చేసినట్లు చెబుతున్నారు.
ఐతే.. పేరుకే డిప్యూటీ సీఎం .. ప్రభుత్వం హోదా కల్పిస్తే.. ప్రొటోకాల్ ప్రకారం… కొన్ని అధిక గౌరవ మర్యాదలు దక్కుతాయి. అంతే కానీ.. ప్రత్యేకంగా డిప్యూటీ సీఎం వ్యవస్థ లేదు. ఎంత కీలక శాఖలు కేటాయిస్తారన్నదానిపైనే…వారికి ప్రాధాన్య ఆధారపడి ఉంటుంది. టీడీపీ హయాంలో… బీసీ సామాజికవర్గం నుంచి.. కేఈ కృష్ణమూర్తి డిప్యూటీ సీఎంగా కీలకమైన రెవిన్యూ శాఖను నిర్వహించారు. అలాగే.. నిమ్మకాయల చినరాజప్ప.. డిప్యూటీ సీఎంగా.. హోంశాఖను.. నిర్వహించారు. వారికి శాఖల ద్వారా ప్రాధాన్యం లభించింది కానీ.. డిప్యూటీ సీఎంగా కాదు. అయితే. వర్గాలందరికీ చాన్సిచ్చినట్లుగా.. చెప్పుకోవడానికి ఐదు డిప్యూటీ సీఎం పోస్టులు ఉపయోగపడతాయి.
