వైకాపా నేతలు నంద్యాల ఎమ్మెల్యే భూమానాగిరెడ్డిని బుజ్జగించి వచ్చిన తరువాత మీడియాతో మాట్లాడుతూ ‘తెదేపా తమతో మైండ్ గేమ్స్ ఆడుతోందని, తమ పార్టీ ఎమ్మెల్యేలు తెదేపాలో చేరిపోబోతున్నారంటూ తన తోక మీడియా ద్వారా ప్రచారం చేయిస్తూ తమని మానసికంగా దెబ్బ తీయాలని ప్రయత్నోస్తోందని ఆరోపించారు. భూమానాగిరెడ్డి వైకాపాలోనే ఉంటారని’ చెప్పారు.
21మంది తెదేపా ఎమ్మెల్యేలు తమతో టచ్చులో ఉన్నారని ఏ క్షణాన్నయిన ప్రభుత్వాని కూల్చగలనని చెప్పడం ద్వారా ఈ మైండ్ గేమ్స్ మొదట మొదలు పెట్టింది తమ అధినేత జగన్మోహన్ రెడ్డేనని వారికీ తెలుసు. కానీ చంద్రబాబు నాయుడు చిన్న ఎత్తు వేసి భూమానాగిరెడ్డి ద్వారా వైకాపాకి చిన్న జలక్ ఇవ్వడంతో చిత్తయిపోయి, తెదేపా తమతో మైండ్ గేమ్స్ ఆడుతూ తమని మనోబలం దెబ్బ తీయాలని చూస్తున్నారని ఆరోపిస్తుంటే అందరూ నవ్వుకొంటున్నారు.
రాజకీయాలలో ఎవరో ఒకరు మైండ్ గేమ్స్ ఆడుతూనే ఉంటారు. అప్పుడు దానిని అవతలి వాళ్ళు ఎదుర్కొని తిరిగి ఎత్తువేసి చిత్తుచేయాలి. ఓటుకి నోటు కేసులో కేసీఆర్, చంద్రబాబు నాయుడుని జైలుకి పంపించేసి తెలంగాణాలో తెలుగు దేశం పార్టీని శాస్వితంగా భూస్థాపితం చేసేయాలని ప్రయత్నించారు. అప్పుడు చంద్రబాబు నాయుడు దానికి ఏవిధంగా ప్రతివ్యూహం పన్ని కేసీఆర్ ని నిలువరించారో అందరూ చూసారు.
చంద్రబాబు నాయుడు శక్తిని, తెలివితేటలని తక్కువగా అంచనా వేసి జగన్మోహన్ రెడ్డి చేసిన చిన్న చిలిపి పనికి వైకాపా నేతలు అందరూ మూల్యం చెల్లించవలసి వచ్చింది. వైకాపా నేతలు తమ ఓటమిని, పరాభవాన్ని దిగ మ్రింగుకొంటూ ఆక్రోశిస్తుంటే ప్రజలు అందరూ నవ్వుకొంటున్నారు తప్ప జాలి పడటం లేదు. ఎందుకంటే అది స్వయంకృతాపరాధమే కనుక.
భూమానాగిరెడ్డి వైకాపాలోనే ఉంటారని వైకాపా నేతలు అందరూ చాలా గట్టిగా చెపుతున్నారు. కానీ ఆలయియన్ వ్యక్తి భూమా నాగిరెడ్డి మాత్రం ఇంతవరకు మీడియా ముందుకు వచ్చి ఆ ముక్క చెప్పడం లేదు. కనీసం ఖండించడం లేదు అంటే దానర్ధం ఏమిటో వైకాపా నేతలే చెప్పాలి.
