సమంత – నందిని రెడ్డి మంచి ఫ్రెండ్స్. వీరిద్దరి కాంబోలో జబర్దస్త్, ఓ బేబీ లాంటి సినిమాలొచ్చాయి. జబర్దస్త్ డిజాస్టర్. ఓ బేబీ మాత్రం సూపర్ హిట్ అయ్యింది. ఇప్పుడు వీరిద్దరి కాంబోలో మూడో సినిమా రావాలి. ఇటీవల ‘అన్నీ మంచి శకునములే’ సినిమా వచ్చింది.. నందిని నుంచి. ఆ వెంటనే సమంతతో సినిమా పట్టాలెక్కాలి. ఇందులో సిద్దూ జొన్నలగడ్డ హీరో. అయితే.. ఈ సినిమా సమంత చేస్తుందా? లేదా? అనేది పెద్ద అనుమానంగా మారింది. నందిని రెడ్డి సినిమాకి తన డేట్లు సర్దుబాటు కావడం లేదని సమంత చెబుతోందట. సమంత కోసం నందిని రెడ్డి కొంత కాలం ఆగుతుందా? లేదంటే.. మరో హీరోయిన్తో ప్రొడీస్ అవుతుందా? అనేది తేలాల్సివుంది. ఇటీవల విడుదలైన ‘అన్నీ మంచి శకునములే’ డిజాస్టర్ అయ్యింది. ఇందులో నందిని రెడ్డి మార్క్ ఏమాత్రం కనిపించలేదన్న కామెంట్లు వినిపించాయి. అందుకే నందిని ఈసారి స్క్రిప్టు విషయంలో ఇంకాస్త జాగ్రత్త తీసుకొంటోందని టాక్. ప్రస్తుతం ఈ సినిమాకి సంబంధించిన స్క్రిప్టు పనులు వాడీ వేడీగా జరుగుతున్నాయి. సమంత ని చిత్రబృందం ఒప్పిస్తుందా? లేదంటే.. మరో కథానాయికని తీసుకొంటారా? అనేది ఇంకొద్ది రోజుల్లో తేలిపోతుంది.
సమంతతో సినిమా ఉందా? లేదా?
