బాక్సాఫీసు దగ్గర `ఆర్.ఆర్.ఆర్` దండయాత్ర ఇంకా కొనసాగుతోంది. విడుదలై పది రోజులైనా… ఆ జోరూ, హోరూ తగ్గలేదు. ఈ హవా ఇంకొన్ని రోజులు కొనసాగే అవకాశం ఉంది. ఆ తరవాత ఓటీటీలోకి వస్తుంది. ఓటీటీలోనూ ఈ సినిమా సరికొత్త రికార్డులు సృష్టించడం ఖాయం. అయితే.. సినిమాలో లేని కొత్త సీన్లు… ఓటీటీలో చూడొచ్చన్న ఊహాగానాలు వ్యక్తం అవుతున్నాయి.
దాదాపుగా మూడు గంటల సినిమా ఇది. నిడివిని దృష్టిలో ఉంచుకోవడం వల్ల చాలా సీన్లకు కత్తెర పడింది. ముఖ్యంగా పాపతో.. ఎన్టీఆర్ ఎమోషనల్ బాండిగ్ని చూపించే కొన్ని సన్నివేశాలున్నాయట. దాంతో పాటు అలియా భట్ ఇంట్రడక్షన్, ఆమెకో పాట ఉన్నాయని తెలుస్తోంది. ద్వితీయార్థంలోనూ నిడివి వల్ల కొన్ని సన్నివేశాలకు కత్తెర పడిందని టాక్. అవన్నీ ఓటీటీలో చూసే వీలుంది. ఓటీటీలో ఎలాగూ రన్ టైమ్ తో ఇబ్బంది లేదు. కొత్త సీన్లు ఉంటే, థియేటర్లో ఒకట్రెండు సార్లు చూసినవాళ్లు కూడా ఓటీటీలో కొత్తగా చూడ్డానికి ఇష్టపడతారు. అది ప్లస్సే అవుతుంది. సో… ఈ కొత్త సీన్ల కోసమైనా ఓటీటీలోనూ `ఆర్.ఆర్.ఆర్`పై ఓ లుక్కేయొచ్చు.
