న్యూ జనరేషన్ లవ్ స్టోరీలకు కొత్త ఊపిరి పోసింది.. పెళ్లి చూపులు. చిన్న సినిమా మళ్ళీ కాలరెత్తుకుని ఆకాశం వైపు చూసేలా చేసింది. అర్జున్ రెడ్డి కూడా… కొత్త ఆశలు చిగురించేలా చేసింది. కాన్సెప్ట్ బాగుంటే చాలు.. స్టార్స్ అవసరం లేదు అని తెలియ చెప్పిన సినిమాలవి. ఇప్పుడు మరో చిన్న సినిమా కూడా ఇలాంటి ఆశలే రేపుతోంది. అదే… మెంటల్ మదిలో. శ్రీ విష్ణు కథానాయకుడిగా, వివేక్ ఆత్రేయ దర్శకత్వంలో రూపొందిన చిత్రం ఇది. పెళ్ళి చూపులు టీమ్.. రాజ్ కందుకూరి, సురేష్ బాబు ఈ చిత్రాన్ని రూపొందించారు.
27 న విడుదల అవుతోంది. ఇప్పటికే ప్రివ్యూలు పడిపోయాయి.
సినిమా చూసినవాళ్ళంతా అద్భుతం… అమోఘం అంటున్నారు. సోషల్ మీడియా లో… మెంటల్ మదిలో టాక్ హల్చల్ చేస్తోంది. మరో పెళ్లి చూపులు అవ్వడం ఖాయమన్నది వాళ్ళ మాట. అక్కడక్కడ కాస్త స్లో నేరేషన్ ఇబ్బంది పెట్టినా.. చిన్న పాయింట్ ని దర్శకుడు చాలా బాగా హ్యాండిల్ చేశాడని, ఈ సినిమా బయటకి వచ్చాక వివేక్ తప్పకుండా స్టార్ హీరోల ఆఫర్లు అందుకుంటాడని జోస్యం చెపుతున్నారు. ఇప్పటికే ఓ అగ్ర నిర్మాణ సంస్థ వివేక్ కి అడ్వాన్స్ ఇచ్చేసిందట. మంచి కథల్ని ఎంచుకుంటున్న శ్రీ విష్ణు ఇప్పటివరకు ఒక్క కమర్షియల్ హిట్ కూడా అందుకోలేదు. ఈ సినిమా ఆ లోటు తీర్చేలా కనిపిస్తోంది.
