కేంద్ర ప్రభుత్వ ఆర్థిక శాఖ,కంప్ర్టోలర్ అండ్ ఆడిటర్ జనరల్ నుంచి ఆంధ్రప్రదేశ్ ప్రభుత్వానికి అదే పనిగా లేఖలు అందుతున్నాయి. ఓ సారి కార్పొరేషన్ల పేరు మీద తీసుకున్న అప్పుల వివరాలు చెప్పాలంటారు. మరోసారి అనుమతులు తీసుకున్నారా అని ప్రశ్నిస్తారు. మరోసారి విదేశీ సంస్థల సాయంతో చేపట్టిన ప్రాజెక్టుల సాయం నిధుల గురించి ప్రశ్నిస్తారు.మరోసారి కేంద్ర పథకాల నిధుల మళ్లింపు గురించి ప్రశ్నిస్తారు. చివరికి కాగ్.. చేసిన చెల్లింపుల్లో రూ. పదకొండు వేల కోట్లు ఎవరికి చెల్లించాలో వివరాలు లేవని కూడా ఆశ్చర్యం వ్యక్తం చేస్తూ లేఖ రాస్తోంది. అయితే ఇవన్నీ లేఖలే ఏపీ ప్రభుత్వం వివరణ ఇస్తుదో లేదో తెలియదు.. దానికి కేంద్రం సంతృప్తి చెందుతుందో లేదో కూడా తెలియడం లేదు.

అదే సమయంలో ఏపీ ప్రభుత్వం నుంచి మంత్రో మరొకరో వెళ్లి అప్పులకు పర్మిషన్ కావాలంటే ఉన్న పళంగా ఇచ్చేస్తోంది కేంద్రం. ఎంత కావాలంటే అంత అప్పు చేసుకోవడానికి పర్మిషన్ ఇస్తోంది. సంస్కరణలు అమలు చేశారంటూ మరింత అప్పునకు పర్మిషన్ ఇస్తోంది. ఇప్పటికే ఇచ్చిన రుణ పరిమితి కన్నా రూ. లక్ష కోట్ల అప్పులు ఎక్కువ చేశారన్న ఆరోపణలు ఉన్నా…ఆ మేరకు కేంద్రంవద్ద ఉన్న వివరాలతో లేఖలు పంపుతున్నా.. ఏ మాత్రం వెరపు లేకుండా అప్పులకు పర్మిషన్ ఇస్తూనే ఉన్నారు. కేంద్రం నుంచి ఏపీ ప్రభుత్వానికి అందుతున్న లేఖల వివరాలు చూస్తే ఏపీలో అప్పులు, ఆర్థిక నిర్వహణపై కేంద్రానికి చాలా స్పష్టమైన అవగాహన ఉంది. ఎక్కడ తప్పు జరుగుతుందో చాలా స్పష్టంగా తెలుసు. కానీ తెలియనట్లుగా లేఖలతో టైంపాస్ చేస్తోందనేది బహిరంగ రహస్యంగా మారింది.

కేంద్ర ప్రభుత్వం తమ తప్పేమీ లేనట్లుగా .. అంతా ఏపీనే చేసుకుందన్నట్లుగా కనిపించడానికి చేస్తోంది.కానీ ఏపీ తప్పులు చేయడానికి మాత్రం సహకరిస్తోంది. ఎందుకు ఇలా చేస్తోందో ఆర్థిక నిపుణులకూ అర్థం కావడం లేదు. ఓ రాష్ట్ర ఆర్థిక భవిష్యత్ దారుణంగా దెబ్బతిని పోయే ప్రమాదం కనిపిస్తున్నా.. ఎందుకు సైలెంట్‌గా ఉటున్నారో… అంచనా వేలేకపోతున్నారు. ఏపీ ప్రభుత్వం తప్పులు చేస్తోందని తెలిసినప్పుడు ఎందుకు దిద్దుబాటు చర్యలు తీసుకోకుండా అప్పులకు ఇంకా ఇంకా ఎందుకు ప్రోత్సాహం అవకాశం ఇస్తున్నారో స్పష్టత లేదు. అధికారులు తాము గుర్తించిన తప్పుల మేరకు నోటీసులు జారీ చేస్తున్నారు… రాజకీయ పరంగా వాటిని పై స్థాయి నుంచి వస్తున్న ఒత్తిడితో లైట్ తీసుకుంటున్నారన్న అభిప్రాయం వినిపిస్తోంది.