తెలంగాణలో టీఆర్ఎస్ను ఓటమి ముంగిటకు చేర్చింది మహాకూటమి. ఈ కూటమి మాస్టర్ మైండ్ చంద్రబాబు. కానీ తెలంగాణ ఎన్నికల ప్రచారంలో.. ప్రధాని నరేంద్రమోదీ.. చంద్రబాబు ప్రస్తావన తీసుకు కారాలేదు. బీజేపీయేతర కూటమికి చంద్రబాబునాయుడు ఓ రూపు తీసుకొచ్చే ప్రయత్నంలో ఉన్నారు. ఇది జాతీయ రాజకీయాల్లో కీలక పరిణామం అవుతోంది. ఐదు రాష్ట్రాల ఎన్నికల ఫలితాలు ప్రధానంగా.. ఈ కమిటి ఎంత భారీగా ఉంటుందో నిర్దేశించబోతున్నాయి. అందుకే మోదీ, అమిత్ షాలు వ్యూహాత్మకంగా.. కూటమి పేరు ప్రస్తావించడం తగ్గించారు. ఆ కూటమికి తమంతట తాము ప్రచారం ఇవ్వకూడదని నిర్ణయించినట్లు తెలుస్తోంది.. టీడీపీ అధినేత చంద్రబాబు ప్రయత్నాలు చేస్తున్న జాతీయ కూటమికి మొదటి అడుగు తెలంగాణలో పడింది.తెలంగాణలో మహాకూటమికి అనుకూల ఫలితం వస్తే.. జాతీయ రాజకీయాలను కూడా మలుపు తిప్పినట్లే అవుతుంది. కాంగ్రెస్ తో కూడిన బీజేపీయేతర కూటమి… ఏర్పాటు శరవేగంగా సాగుతుంది.
జాతీయ రాజకీయాల్లో ప్రతీసారి ఓ విభిన్న పరిస్థితి ఉంటుంది. ఏ ప్రాంతీయ పార్టీ అయినా… జాతీయ రాజకీయాలకు వచ్చే సరికి.. బీజేపీనో.. కాంగ్రెస్ నో ఎంచుకోవాల్సి ఉంటుంది. సహజంగా.. ఇలాంటి సమయంలో ప్రాంతీయ పార్టీలు.. కేంద్రంలో అధికారంలోకి వచ్చే పార్టీ ఏదన్న అంచనా వేసుకుని..అలాంటి పార్టీతో ముందుకు వెళ్లడానికి ప్రయత్నిస్తారు. గత ఎన్నికలకు ముందు బీజేపీకి అలాంటి ఇమేజ్ ఉంది. ఈ సారి పరిస్థితి మారింది. కానీ ప్రాంతీయ పార్టీలన్నీ కాంగ్రెస్ తో నడవడానికి తటపటాయిస్తున్నాయి. కాంగ్రెస్ బలపడితేనే.. అధికారంలోకి వస్తుందన్న సూచనలు వస్తనే .. .వారు కూటమిలోకి వస్తారు.రాజస్థాన్, మధ్యప్రదేశ్, చత్తీస్ గఢ్ రాష్ట్రాల్లో కాంగ్రెస్ కు సానుకూల వాతవరణం ఉందని సర్వేలొచ్చాయి. ఇక మిగిలింది తెలంగాణ.. తెలంగాణలో అశల్లేవనుకున్న పరిస్థితి నుంచి కూటమి ద్వారా.. రేసులోకి వచ్చి పోరాడుతోంది. ఇక్కడా సానుకూల ఫలితం వస్తే.. ఇక కూటమి ఏర్పాటుకు ఎలాంటి అడ్డంకులు ఉండవు.
ఇలాంటి పరిస్థితి రాకుండా ఉండటానికే.. మోదీ, అమిత్ షాలు వ్యూహాత్మకంగా.. కూటమిని గుర్తించనట్లుగా వ్యవహరిస్తున్నారన్న అభిప్రాయం వ్యక్తమవుతోంది. గెలుపోటములు ఏవైనా కాంగ్రెస్ .. ఖాతాలో వేస్తే ప్రభావం తక్కువ ఉంటుందని అంచనా వేసుకుంటున్నట్లు తెలుస్తోంది. జాతీయ రాజకీయాలపై తెలంగాణ ప్రభావం ఉండకుండా.. వీలైనంతగా… తెలంగాణకే పరిమితం చేస్తేనే.. రాబోయే రోజుల్లో చంద్రబాబు చేస్తున్న కూటమి ప్రయత్నాలను.. వీలైనంతగా అడ్డుకట్టవేయగలమనేది… బీజేపీ అగ్రనేతల వ్యూహమని అంచనా..
