రేవంత్ రెడ్డి జోలికి వెళ్లే కొద్దీ వెళ్లాలనుకుంటున్నారు అంబటి రాంబాబు. అదే పనిగా తప్పు పడుతూ పోస్టులు పెడుతున్నారు. తాజాగా నితీష్ కుమార్ రెడ్డి సెంచరీ చేసి తగ్గేదే లేదే అన్నట్లుగా బ్యాట్తో చూపిస్తే దాన్ని రేవంత్ రెడ్డికి ముడిపెట్టేసి విమర్శలు గుప్పించారు అంబటి రాంబాబు. అసలు నితీష్ కుమార్ రెడ్డి అలా అనడానికి.. సంధ్యా ధియేటర్ తొక్కిసలాట కేసుకు .. ఏమైనా సంబంధం ఉందా?. మళ్లీ సినిమాను , అర్జున్ ను తొక్కేస్తున్నారన్న అర్థంలో రేవంత్ రెడ్డిని టార్గెట్ చేయడానికి ఏ మాత్రం సంకోచించడం లేదన్నట్లుగా అంబటి రాంబాబు ఆరోపించడం కావాలని కెలుక్కోవడం కాదా ?
ఇటీవల సినీ ప్రముఖులు రేవంత్ తో భేటీ అయినప్పుడు రేవంత్ ఏదో సోఫాలు తీసుకుని పరిష్కారం చేస్తున్నట్లుగా ట్వీట్ పెట్టారు. ఇది ఎంత తీవ్రమైన ఆరోపణ. అది అలా ఉంటే ప్రతీ దానికి ఇలా రేవంత్ రెడ్డిని, ఆయన క్యాంప్ ను ఇరిటేట్ చేసేందుకు అంబటి రాంబాబు ప్రయత్నిస్తున్నారు. ఇలా ఎందుకు చేస్తున్నారన్నది వైసీపీ నేతలకూ అర్థం కావడం లేదు.. పార్టీ విధానం ప్రకారం పెడుతున్నారా లేకపోతే వ్యక్తిగతంగా రేవంత్ ను టార్గెట్ చేస్తున్నారా అన్నది ఆయనకే తెలియాలి.
అయితే ఈ లొల్లిని రేవంత్ రెడ్డి టీం అంబటి వ్యక్తిగత వ్యవహారంగా చూడకుండా.. ఇదంతా జగన్ కనుసన్నల్లోనే జరుగుతోందని తమపై కుట్ర చేస్తున్నారని అనుకుంటే మాత్రం లెక్క మారిపోతుంది. అసలే హైదరాబాద్ కు రావడానికి కూడా భయపడుతున్న జగన్ ఇక ముందు అడుగుపెట్టలేకపోకపోవచ్చు. ఆయనకు ఉన్న బినామీ ఆస్తుల లెక్క అంతా బయటకు వచ్చినా ఆశ్చర్యపోవాల్సిన పని లేదు. ఎందుకంటే రేవంత్ రెడ్డి తో .. పొలిటికల్ గేమ్స్ ఆడాలనుకుంటే ఆయన కూడా ఫుల్ బాల్ ఆడేస్తున్నాడు మరి !
