రాజ‌శేఖ‌ర్ కెరీర్‌కి మ‌ళ్లీ ప్రాణం పోసిన సినిమా ‘గ‌రుడ‌వేగ‌’. ఈ విజ‌యంతోనే మ‌ళ్లీ రాజ‌శేఖ‌ర్ ఊపిరిపోసుకున్నాడు. ఇప్పుడు ‘కల్కి’ ప‌ట్టాలెక్క‌డానికి కూడా కార‌ణం… ఈ విజ‌య‌మే. అందుకే గ‌రుడ‌వేగ క్రేజ్‌ని మ‌ర్చిపోకుండా ఈ సినిమాకి సీక్వెల్ చేయాల‌నుకుంటున్నాడు రాజ‌శేఖ‌ర్‌. ఈ విష‌యాన్ని ఇటీవ‌ల ప్ర‌క‌టించాడు కూడా. ‘గ‌రుడ‌వేగ‌’ తీస్తున్న‌ప్పుడే సీక్వెల్ చేయాల‌న్న ఆలోచ‌న వ‌చ్చింది. ఆ సినిమా హిట్ట‌వ్వ‌డంతో అది ఇప్పుడు కార్య‌రూపం దాలుస్తోంది. అయితే ఈ చిత్రానికి ప్ర‌వీణ్ స‌త్తారు ద‌ర్శ‌కత్వం వ‌హిస్తాడా, లేదా? అనే అనుమానాలున్నాయి. ప్ర‌వీణ్ ప్ర‌స్తుతం పెద్ద హీరోల‌తో సినిమాలు చేయాల‌ని ఫిక్స‌య్యాడు. ‘గ‌రుడ‌వేగ 2’పై త‌న‌కీ అంచ‌నాలున్నా… ఇప్ప‌టికైతే రాజ‌శేఖ‌ర్‌తో మ‌రో సినిమా చేయాల‌న్న ఆలోచ‌న లేదాయ‌న‌కు. రాజ‌శేఖ‌ర్ కి మాత్రం ఈ సినిమా ప్ర‌వీణ్‌తోనే చేయాల‌ని వుంది. ఒక‌వేళ ‘క‌ల్కి’ హిట్ట‌యి… రాజ‌శేఖ‌ర్‌కి మ‌రింత మార్కెట్ పెరిగితే.. అప్పుడు ‘గ‌రుడ‌వేగ 2’ సంగ‌తి చూద్దామని భావిస్తున్నాడు ప్ర‌వీణ్‌. అంటే… ‘గ‌రుడ వేగ’ సీక్వెల్ అనేది ఇప్పుడు ‘క‌ల్కి’ హిట్టుపై ఆధార‌ప‌డి ఉంద‌న్న‌మాట‌.