లక్ష్మీరాయ్.. కొన్ని సినిమాల్లో కథానాయికగా మెరిసి, ఐటెమ్గాళ్గా అవతారం ఎత్తి ఆకట్టుకోవడానికి విశ్వ ప్రయత్నాలు చేసింది. గ్లామర్ కావల్సినంత ఉన్నా, అదృష్టం మాత్రం కలసిరాలేదు. అయితే తొలిసారి కథానాయిక ప్రాధాన్యం ఉన్నచిత్రంలో నటించింది. అదే ‘వేర్ ఈజ్ వెంకటలక్ష్మి’. హారర్తో పాటు గ్లామర్ మిక్స్ చేసిన సినిమా ఇది. ప్రవీణ్, మధునందన్ కీలక పాత్రలు పోషించారు. కిషోర్ కుమార్ దర్శకత్వం వహించారు. మార్చి 1న విడుదల అవుతోంది. ఇప్పుడు ట్రైలర్ బయటకు వచ్చింది.
హారర్ కామెడీ సినిమాల పరంపరలో మరో సినిమా ఇది. ట్రైలర్ని రెండు భాగాలుగా చూసుకుంటే… కొంత లవ్, రొమాన్స్, లిప్ లాక్, కామెడీకి కేటాయించారు. మరో సగం.. యాక్షన్, థ్రిల్లర్, హారర్ మిళితం చేశారు. బెల్లంపల్లి అనే గ్రామంలో జరిగే కథ ఇది. అక్కడకు వెంకట లక్ష్మి అతిథిగా వస్తుంది. కానీ తను ఓ దెయ్యం. మరి… ఈ ఊరికి వెంకటలక్ష్మి ఎందుకొచ్చిందో సినిమా చూసి తెలుసుకోవాలి. ఈ సినిమాతో హిట్టు కొట్టాలని తహతహలాడుతోంది లక్ష్మీరాయ్. మరి అది దక్కుతుందో లేదో చూడాలి.
https://www.youtube.com/watch?v=Y8HFafKNdCI&feature=youtu.be
