దర్శకుడు వీవీ వినాయక్ నిజాయితీని అందరూ అభినందించాల్సిందే. ఆయన తీసిన ‘ఇంటిలిజెంట్’ రిజల్ట్, రేటింగ్స్ రావడానికి ఇంకెంతో టైమ్ లేదు. మరికొన్ని గంటల్లో థియేటర్లలో బొమ్మ పడుతుంది. ఇందులో హీరో సాయిధరమ్ తేజ్ చిన్నోడు అయ్యుండొచ్చు కానీ గతంలో వినాయక్ పెద్ద పెద్ద హీరోలతో పని చేశాడు. చిరంజీవితో ఠాగూర్, ఖైదీ నంబర్ 150, బాలకృష్ణతో చెన్నకేశవరెడ్డి, వెంకటేష్తో లక్ష్మీ, ఎన్టీఆర్తో ఆది, అదుర్స్ వంటి హిట్స్ తీశాడు. ప్రజెంట్ తెలుగు టాప్ ఫైవ్ దర్శకుల్లో వినాయక్ పేరు తప్పకుండా వినబడుతుంది. అటువంటి దర్శకుడు ఒక టాప్ హీరోకి తగ్గ నేను చెప్పలేకపోయా అని నిజాయితీగా ఒప్పుకున్నాడు.
మహేష్బాబు హీరోగా 100 కోట్లతో భారీ బడ్జెట్ సినిమా తీయడానికి ప్లాన్ చేస్తున్నానని గతంలో వీవీ వినాయక్ ప్రకటించారు. ఆ సినిమా గురించి ‘ఇంటిలిజెంట్’ ప్రచార కార్యక్రమాల్లో ప్రస్తావించగా “మహేష్తో సినిమా చేయాలనుకొన్నాం. కానీ, కథ కుదరలేదు. మహేష్కి తగ్గ కథను నేను చెప్పలేకపోయా” అని సూటిగా చెప్పాడు వినాయక్. మహేష్కి నచ్చే కథ కోసం ప్రయత్నిస్తున్నామని తెలిపారు. ఇప్పటివరకు మహేష్, వినాయక్ కాంబినేషన్లో సినిమా రాలేదు. ఎప్పుడు వస్తుందో?
