అన్ని రకాల పాత్రలు చేసేయగల నటుడు విజయ్ సేతపతి. హీరోగా చేస్తూనే విలన్ గా చేస్తుంటారు. అదే సమయంలో క్యారెక్టర్, గెస్ట్ రోల్స్ లో కూడా కనిపిస్తారు. అయితే ఇకపై కొన్ని క్యారెక్టర్ రోల్స్ కి గుడ్ బై చెప్పేయబోతున్నారు విజయ్ సేతుపతి. ఈ విషయాన్ని విజయ్ సేతుపతి స్వయంగా చెప్పారు.
”నా కెరీర్ లో కొన్ని క్యారెక్టర్ రోల్స్ చేశాను. ఉదారణకు మైఖేల్ సినిమాలో చేసిన ఓ రోల్. ఇది దర్శకుడు రంజిత్ పై వున్న స్నేహంతో చేశాను. అయితే ఇకపై ఇలాంటి ఫ్రెండ్షిప్ రోల్స్ కి దూరంగా వుంటాను. చిన్న క్యారెక్టర్ ఒక్క రోజు, రెండు రోజులని వస్తారు. పాత్రని పూర్తిగా అర్ధం చేసుకొని చేసినా పెద్దగా ప్రయోజనం వుండటం లేదు. మనం ఏం ఇస్తున్నామో అవతలి వారు సరిగ్గా తెలుసుకోలేనప్పుడు చేసి వృధా. అందుకే ఇకపై ఇలాంటి చిన్న చిన్న రోల్స్ ని చేయకూడదని భావిస్తున్నాను’ అని నిర్మోహమాటంగా చెప్పేశారు విజయ్. ఆయన హీరోగా చేసిన మహారాజ జూన్ 14న విడుదల కానుంది.
