విజయసాయిరెడ్డికి రాజ్యసభలో ప్యానల్ వైస్ చైర్మన్ పోస్ట్ ను ప్రకటించి రద్దు చేశారు. అదీ అవమానకరంగా. రాజ్యసభ కార్యాలయం నుంచి ఆయనకు సమాచారం వచ్చింది. ఆయన కూడా తన పేరు చూసుకుని మురిసిపోయి ట్విట్టర్లో ఉపరాష్ట్రపతికి ధ్యాంక్స్ చెప్పారు. కానీ రాజ్యసభలో అధికారిక ప్రకటన చేస్తున్న సమయంలో రాజ్యసభ చైర్మన్ , ఉపరాష్ట్రపతి జగదీప్ ధన్ఖడ్ మాత్రం.. ప్యానల్ వైఎస్ చైర్మన్ జాబితా పునర్వ్యవస్థీకరించామని చెప్పి ఏడు పేర్లే ప్రకటించారు. ఎనిమిదో పేరుగా ఉన్న విజయసాయిరెడ్డి పేరును ప్రస్తావించలేదు. దీంతో ఆయన పేరు తొలగించినట్లుగా స్పష్టమయింది.
చివరి క్షణంలో విజయసాయిరెడ్డి పేరును రాజ్యసభ చైర్మన్ ఎందుకు తొలగించారో ఢిల్లీ రాజకీయవర్గాలకు స్పష్టంగా తెలుసు. అది విజయసాయిరెడ్డికి కూడా తెలుసు. విజయసాయిరెడ్డి నియామకం గురించి బయటకు తెలిసిన తర్వాత ఆయన తీరుపై రాజ్యసభ చైర్మన్కు పలువురు ఫిర్యాదులు చేశారు. విజయసాయిరెడ్డి సోషల్ మీడియాలో వాడే భాషను ఆయన దృష్టికి తీసుకెళ్లారు. ఆయనకు ఏ మాత్రం గౌరవ మర్యాదలు లేవని.. అలాంటి వ్యక్తిని రాజ్యసభ చైర్మన్ చైర్లో కూర్చోబెడితే ఆ పదవికే అగౌరవం ఏర్పడుతుందని ఫిర్యాదు చేశారు. విజయసాయిరెడ్డి చేసిన ట్వీట్లను.. ఇంగ్లిష్లోకి ట్రాన్స్ లేషన్ చేసి మరీ.. రాజ్యసభ చైర్మన్కు పంపారు.
ఆయన ఎంత లేకి మనిషో ఉపరాష్ట్రపతికి అర్థం కావడంతో ముందుగా నిర్ణయం తీసుకుని కూడా కనీస సమాచారం కూడా ఇవ్వకుండా ప్యానల్ వైస్ చైర్మన్ పదవి నుంచి తొలగించారని ఢిల్లీ వర్గాలు చెబుతున్నాయి. సోషల్ మీడియాలో విజయసాయిరెడ్డి ట్వీట్లు చూసిన వారు.. బయట జెంటిల్మెన్లా కనిపించే ఆయన ఇంత అసభ్యకరంగా తోటి రాజకీయ నేతల్ని.. వారి కుటుబాల్ని వ్యక్తిగతంగా ఎలా దూషించగలరని ఆశ్చర్యపోతూంటారు. ఇప్పటికైనా తాను ఎంత దిగజారిపోయాడో.. విజయసాయిరెడ్డి అర్థం చేసుకుంటారని ఎవరూ అనుకోవడం లేదు.
