ఛ‌లో, భీష్మ చిత్రాల‌తో ఆక‌ట్టుకొన్నాడు వెంకీ కుడుముల‌. భీష్మ త‌ర‌వాత చిరంజీవి నుంచి పిలుపొచ్చింది. ఓ క‌థ కూడా చెప్పాడు. వాల్తేరు వీర‌య్య త‌ర‌వాత ఈ సినిమానే సెట్స్‌పైకి వెళ్తుంద‌నుకొన్నారు. కానీ ఎలాంటి అప్ డేట్ రాలేదు. చిరంజీవి వేరే.. వేరే క‌థ‌లు విన‌డంతో, ప్రాజెక్టు ఆల‌స్యం అయిపోవ‌డంతో… వెంకీ మ‌రో ఆప్ష‌న్ వెదుక్కొన్నాడు. మ‌ళ్లీ నితిన్‌తోనే సినిమా ఓకే చేసుకొన్నాడు వెంకీ. ఇటీవ‌లే… నితిన్‌కి క‌థ చెప్ప‌డం, అది నితిన్‌కి న‌చ్చ‌డం జ‌రిగిపోయాయి. ఈమ‌ధ్యే నితిన్‌పై ఓ ఫొటో షూట్ కూడా చేశారు. అతి త్వ‌ర‌లోనే ఈ సినిమా సెట్స్‌పైకి వెళ్ల‌బోతోంది. ఈ చిత్రానికి సంబంధించిన పూర్తి వివ‌రాలు ఈ వారంలోనే బ‌య‌ట‌కు వ‌చ్చే అవ‌కాశాలు ఉన్నాయి. నితిన్ ప్ర‌స్తుతం వ‌క్కంతం వంశీ తో ఓ సినిమా చేస్తున్నాడు. కొంత మేర షూటింగ్ కూడా జ‌రిగింది. వ‌క్కంతం సినిమాతో పాటుగా స‌మాంత‌రంగా ఈ సినిమానీ పూర్తి చేస్తాడు నితిన్‌.