రీమేక్ రాజాగా పేరు తెచ్చుకొన్నాడు వెంకటేష్. ఆయన కెరీర్ చూస్తే.. రీమేక్ కథలే ఎక్కువ కనిపిస్తాయి. ఇటీవల ఆయన్నుంచి వచ్చిన బాడీగార్డ్, మసాలా, గోపాల గోపాల, గురు, దృశ్యం… అన్నీ రీమేక్లే. సుల్తాన్, విక్రమ్ వేద సినిమాల్ని రీమేక్ చేయడానికి వెంకీ ఉత్సాహం చూపిస్తున్నట్టు వార్తలొస్తున్నాయి. ఈ లోగా వెంకీ దగ్గరకు మరో రీమేక్ కథ చేరింది. బాలీవుడ్లో ఇటీవల విడుదలై.. ప్రశంసలు దక్కించుకొన్న చిత్రం ‘హిందీ మీడియం’. ఇర్ఫాన్ ఖాన్ కీలక పాత్ర పోషించారు. ఇప్పుడు ఈ చిత్రాన్ని తెలుగులో రీమేక్ చేయాలనుకొంటున్నార్ట. ప్రస్తుతం నందిని రెడ్డి ఈ కథని తెలుగులో రీమేక్ చేసేందుకు సన్నాహాలు చేస్తున్నారని తెలుస్తోంది.
ఇర్ఫాన్ ఖాన్ పాత్రలో వెంకటేష్ కనిపించబోతున్నట్టు వార్తలొస్తున్నాయి. తక్కువ బడ్జెట్లో తీసే సౌలభ్యం ఉన్న కథ ఇది. ఈ దశలో వెంకీ ఇలాంటి కథలపైనే దృష్టి పెడుతుండడంతో హిందీ మీడియం తప్పకుండా రీమేక్ చేసే ఛాన్సులున్నాయని తెలుస్తోంది.
