వెంకటేష్ సినిమా అంటేనే బోల్డంత కామెడీ. ఆయన కన్నీళ్లు పెట్టించే సినిమాలు చేసినా.. అందులోనూ తన మార్క్ వినోదం మిస్ అవ్వకుండా చూసుకొంటుంటారు. తాజాగా బాబు బంగారంలోనూ కావల్సినంత కామెడీ మిక్స్ చేసినట్టే కనిపిస్తోంది. మారుతి దర్శకత్వం వహించిన బాబు బంగారం టీజర్ ఈరోజే బయటకు వచ్చింది. టీజర్లో పెద్దగా మెరుపులేం లేకపోయినా, వెంకీ బాడీ లాంగ్వేజ్ చూస్తుంటే.. ఈ సినిమాలోనూ కామెడీ ఇరగదీసినట్టే కనిపిస్తోంది. మారుతి స్వతహాగా కామెడీ బాగా రాస్తాడు. భలే భలే మగాడివోయ్కి ప్లప్ అయ్యింది ఆ కామెడీ పంచ్లే. ఈసారీ… మారుతి పన్ను పదునెక్కి పరుగులు పెట్టినట్టే కనిపిస్తోంది.
ఈరోజుల్లో కుసింత నవ్విస్తే చాలు.. సినిమాల్ని సూపర్ హిట్ చేసేస్తున్నారు ఆడియన్స్. అదే.. బాబు బంగారంకి శ్రీరామరక్ష. నయనతార కూడా యాడ్ అవ్వడంతో బిజినెస్ పరంగా క్రేజ్ పెరిగింది. దానికి తోడు ఈ సినిమాకి బిజినెస్ కూడా బ్రహ్మాండంగా జరిగిపోతోంది. టేబుల్ ప్రాఫిట్కి ఈ సినిమాని అమ్మేశారని టాక్. ఈ సినిమా హిట్టయితే మారుతి టాప్ లీగ్ దర్శకుల జాబితాలో చేరిపోవడం ఖాయం. కాబట్టి ఆయనా ఈ సినిమాని చాలా ప్రెస్టేజియస్గా తీసుకొన్నాడట. మరి ఈ బాబు బాక్సాఫీసుని ఎంత దడదడలాడిస్తాడో చూడాలి.
