రీమేక్ సినిమాలంటే వెంకటేష్కి ఎంతిష్టమే. టాలీవుడ్లో ఆయన రీమేక్ కింగ్! ఆయన సూపర్ హిట్ చిత్రాల్లో సగానికిపైగా రీమేక్లున్నాయి. తాజాగా వెంకీ దృష్టి ఓ హిందీ సినిమాపై పడిందని టాక్. అదే.. సాలా కడూస్. మాధవన్ కథానాయకుడిగా నటించిన ఈచిత్రానికి సుధా కొంగర ప్రసాద్ దర్శకుడు. ఇదో బాక్సింగ్ కోచ్ జీవితానికి సంబంధించిన కథ. బాలీవుడ్లో బాగానే ఆడింది. చిన్ని చిన్ని మార్పులు చేస్తే తెలుగులోనూ… ఈ సినిమా హిట్టయ్యే ఛాన్సుంది. ఆ ఆలోచనతోనే ఈసినిమా రీమేక్పై దృష్టిపెట్టాడట వెంకీ.
ఇటీవల సుధా కొంగర వెంకీని కలుసుకోవడంతో ఈ రీమేక్ విషయం బయటకు వచ్చింది. పివీపీ సినిమాస్ ఈ సినిమాని తెరకెక్కించే అవకాశాలున్నాయి. ఓ వైపు స్క్రిప్టు పనులు జరుగుతున్నాయని టాక్. బాబు బంగారం తరవాత.. వెంకీ ఈ సినిమాతోనే రంగంలోకి దిగే అవకాశాలున్నాయి. మరి ఈ చిత్రానికి సుధా కొంగరనే దర్శకత్వం వహిస్తారా? లేదంటే మరో దర్శకుడు సీన్ లోకి ఎంట్రీ ఇస్తాడా? అన్నది తెలియాల్సివుంది.
