రేపు విడుదలవుతున్న లోఫర్ సినిమాకు మంచి ప్రమోషన్స్ తో ముందుకొచ్చారు ఆ చిత్ర యూనిట్. ఎక్కడ చూసిన లోఫర్ సినిమా హడావిడి కనపడుతుంది. ముకుంద, కంచె లాంటి రెండు ప్రత్యేకమైన సినిమాల ద్వారా తెలుగు ప్రేక్షకులను అలరించిన వరుణ్ తేజ్, మెగాస్టార్ సూపర్ హిట్ సినిమా ఛాలెంజ్ అంటే తనకు బాగా ఇష్టమని ఆ సినిమా రీమేక్ చేస్తానని అంటున్నాడు.
ముకుందతో లవర్ బోయ్ గా కనిపించిన వరుణ్ తేజ్, కంచెలో సైనికుడిగా అద్భుతమైన నటనతో ఆకట్టుకున్నాడు. ఇక ఈ లోఫర్ సినిమాతో మెగా ఫ్యామిలీ వారసత్వమైన మాస్ ఇమేజ్ ని సొంతం చేసుకోవాలని చూస్తున్నాడు. ఇప్పటికే ట్రైలర్స్, పోస్టర్స్ సినిమా మీద భారీ అంచనాలు ఏర్పడేలా చేసింది. దిశా పటాని హీరోయిన్ గా చేసిన ఈ సినిమాకు సునీల్ కాశ్యప్ మంచి సంగీతం అందించాడు.
పూరి కూడా తన మాటలతో వరుణ్ ని ఆకాశానికెత్తేస్తున్నాడు మరి సినిమా ఎలా ఉండబోతుందోతెలుసుకోవాలంటే సరిగ్గా 24 గంటలు ఓపిక పడితే సరిపోతుంది. ఇప్పటికే మెగా అభిమానుల కోలాహలం లోఫర్ విడుదలవుతున్న థియేటర్స్ దగ్గర మొదలైందని సమాచారం.
