పూరి సినిమా అంటే ఎప్పుడు స్టార్ట్ చేస్తాడో.. ఎప్పుడు రిలీజ్ చేస్తాడో అతనికే తెలియదు.. టాలీవుడ్ సినిమాల్లో హీరోయిజాన్ని పర్ఫెక్ట్ గా చూపించే అతికొద్ది మంది దర్శకుల్లో పూరి ఒకడు. మహేష్ ని పోకిరిలా, అల్లు అర్జున్ ని దేశముదురులా, రవితేజని ఇడియట్ లా చూపించిన పూరి ఇప్పుడు వరుణ్ తేజ్ ని లోఫర్ గా చూపిస్తున్నాడు. రీసెంట్ గా లోఫర్ మూవీ ఫస్ట్ లుక్ పోస్టర్ రిలీజ్ చేసి అందరికి షాక్ ఇచ్చిన పూరి ఇప్పుడు ఆ సినిమా థియేటర్ ట్రైలర్ రిలీజ్ చేసి మరోసారి అవాక్కయ్యేలా చేశాడు.
నిన్నటిదాకా ధూపాటి హరిబాబుగా అలరించిన వరుణ్ తేజ్ లోఫర్ సినిమాలో పక్కా మాస్ హీరోగా దర్శనమిస్తున్నాడు. ముకుంద, కంచె సినిమాలతో తన సత్తా ఏమిటో చాటుకుని ఇప్పుడు లోఫర్ గా అసలైన మెగా హీరోగా వస్తున్నాడు వరుణ్ తేజ్. పూరి డైరెక్ట్ చేస్తున్న ఈ సినిమాను సి.కళ్యాణ్ నిర్మిస్తున్నారు. దిశా పటాని హీరోయిన్ గా చేస్తున్న లోఫర్ లో సీనియర్ నటి రేవతి ఇంపార్టెంట్ రోల్ ప్లే చేస్తుంది.
రెండు నిమిషాల్ ట్రైలర్లోనే అరుపులు పెట్టించిన వరుణ్ తేజ్ ఇక సినిమా మొత్తం అదరగొట్టాడనడంలో సందేహం లేదు. ధూపాటి హరిబాబు సడెన్ గా లోఫర్ గా మారి అదుర్స్ అనిపించేలా చేశాడు. మరి పూరి మార్క్ కమర్షియల్ మాస్ ఎంటర్టైనర్ గా వస్తున్న ఈ సినిమా ప్రేక్షకులకు ఎలాంటి అనుభూతిని కలిగిస్తుందో చూడాలి.
