సినియర్ నటుడు వంకాయల సత్యనారాయణమూర్తి ( 78) కన్నుమూశారు. గత కొంతకాలంగా ఆయన శ్వాస సంబంధిత వ్యాధితో బాధ పడుతున్న ఆయన ఈ రోజు తుది శ్వాస విడిచారు.
వంకాయల సత్యనారాయణ స్వస్థలం విశాఖపట్నం. క్యారెక్టర్ ఆర్టిస్ట్ గా ఆయన తనదైన గుర్తింపు తెచ్చుకున్నారు. పలు సీరియల్స్లోనూ నటించారు. దాదాపు 150కి పైగా సినిమాల్లో సహాయ నటుడిగా నటించిన ఆయన.. సీతామహాలక్ష్మి, ఊరికిచ్చిన మాట, అర్థాంగి, శుభలేఖ, విజేత వంటి పలు చిత్రాల్లో ఆయన చేసిన పాత్రలకు మంచి గుర్తింపు వచ్చింది.
సత్యనారాయణమూర్తి మృతి పట్ల పలువురు సంతాపం వ్యక్తం చేశారు.
