వైష్ణవ్ తేజ్ ‘ఆదికేశవ’ రిలీజ్ ఆగస్ట్ 18 అనుకున్నారు. ఐతే ఆ డేట్ కి వచ్చే అవకాశం కనిపించడం లేదు. దాదాపు ఈ సినిమా వాయిదా పడినట్లే. నెల వ్యవదిలో నాలుగు మెగా సినిమాలు వున్నాయి. బ్రో, భోళా శంకర్ ఇప్పటికీ ప్రమోషన్స్ స్టార్ట్ చేశాయి. ఈరెండి తర్వాత వైష్ణవ్ తేజ్ ‘ఆదికేశవ’ రావాలి. ఇప్పటివరకు సినిమాపై సరైన బజ్ రాలేదు. ఒకవేళ 18 అనుకుంటే తర్వాత వారమే వరుణ్ తేజ్ సినిమా వుంది. ఇంత టైట్ షెడ్యుల్ మధ్య విడుదల చేయడం అంత మంచిది కాదని భావిస్తున్నారు.
ఉప్పెన తరువాత వైష్ణవ్ తేజ్ కు సరైన సినిమా పడలేదు. క్రిష్ తో చేసిన సినిమా విమర్శకుల ప్రసంసలు పొందింది కానీ కెరీర్ కి జోష్ ఇవ్వలేదు. ఆది కేశవ పక్కా మాస్ సినిమా. సీమ ఫ్యాక్షన్ నేపధ్యం. ఈ సినిమా తనకి చాలా కీలకం. అందుకే అన్నీ సరిగ్గా కుదిరినప్పుడే చక్కగా ప్రమోషన్స్ చేసుకొని దిగాలని భావిస్తున్నారు.
