`ఉప్పెన`తో దర్శకుడిగా మారాడు సుకుమార్ శిష్యుడు బుచ్చిబాబు. ఈ సినిమా బడ్జెట్ పెరిగింది, క్లైమాక్స్ తెలుగు ప్రేక్షకుల అభిరుచికి దూరంగా ఉండబోతోందన్న కామెంట్లు వినిపిస్తున్నా – బజ్ మాత్రం ఏమాత్రం తగ్గలేదు. పైగా దేవిశ్రీ ప్రసాద్ అందించిన పాటలు సూపర్ డూపర్ హిట్లయిపోయి, ఈ సినిమాపై అంచనాల్ని విపరీతంగా పెంచేశాయి. హీరోయిన్ గా ఎంట్రీ ఇచ్చిక కృతి శెట్టి అయితే, ఇప్పటికే నాలుగైదు సినిమాల్ని తన ఖాతాలో వేసేసుకుంది.
బుచ్చిబాబుపై కూడా నిర్మాతలు, హీరోల దృష్టి పడింది. ఇప్పటికే మైత్రీ మూవీస్ బుచ్చిబాబుతో మరో సినిమా కోసం ఎగ్రిమెంట్ చేసుకుంది. `ఉప్పెన` విడుదలకంటే ముందు బచ్చిపై కర్చీఫ్లు వేసుకుంటున్నారు కొంతమంది హీరోలు. అయితే బుచ్చిబాబు మాత్రం మహేష్ బాబు కోసం ఓ కథ రెడీ చేసుకున్నాడని సమాచారం. `ఉప్పెన` హిట్టయితే.. వెంటనే మహేష్ ని కలవాలన్నది తన ఆశ. సుకుమార్ కాస్త రికమెండ్ చేస్తే బుచ్చి వెళ్లి మహేష్కి కథ చెప్పడం పెద్ద కష్టమైన విషయం ఏదీ కాదు. ఇప్పుడు ఆగాల్సింది.. `ఉప్పెన` రిజల్ట్ కోసమే. మహేష్ బుచ్చితో చేస్తాడా, లేదా? అనేది పక్కన పెడితే, బుచ్చి మైండ్ లో మహేష్ ఉన్నాడన్నది మాత్రం ఖాయమైంది. సినిమా హిట్టయితే.. మహేష్ మైండ్ లోనూ బుచ్చి పడడం ఖాయమే.
