నంద‌మూరి బాల‌కృష్ణ 100వ చిత్రం గౌత‌మి పుత్ర శాత‌క‌ర్ణి ప్ర‌స్తుతం చిత్రీక‌ర‌ణ ద‌శ‌లో ఉంది. మొరాకోలో కీల‌క స‌న్నివేశాలు చిత్రీక‌రించారు. హైద‌రాబాద్‌లోనూ కొంత మేర షూటింగ్ జ‌రిగింది. ప్ర‌స్తుతం చిన్న బ్రేక్ ఇచ్చారు. క‌థానాయిక విష‌యంలో ఇటు చిత్ర‌బృందం, అటు బాల‌య్య ఇప్ప‌టి వ‌ర‌కూ ఓ నిర్ణ‌యానికి రాలేక‌పోయారు. ఆ స్థానం ఎవ‌రికి ద‌క్కుతుంద‌న్న ఆస‌క్తి నెల‌కొంది. అయితే లేటెస్ట్ న్యూస్ ఏంటంటే.. ఇప్పుడు ఓ క‌థానాయిక‌ని వెదికితే స‌రిపోదు. ఇద్ద‌రు కావాల‌ట‌. అవును.. గౌత‌మి పుత్ర శాత‌క‌ర్ణిలో మ‌రో హీరోయిన్‌కీ ఛాన్స్ ఉంద‌ట‌. సెకండ్ హీరోయిన్ క్యారెక్ట‌ర్ ఎవ‌రు వేస్తారు?? బాల‌య్య ప‌క్క‌న ఎవ‌రైతే బాగుంటారు?? అనే కోణంలో చిత్ర‌బృందం అన్వేషిస్తోంది. ఓ క‌థానాయిక‌ని వెదికిప‌ట్టుకోవ‌డానికే ఇంత టైమ్ ప‌ట్టింది… ఆ అన్వేష‌ణ ఇంకా తెవ‌ల్లేదు. మ‌రి రెండో నాయిక కూడా కావాలంటే, మ‌రి ఆ అన్వేష‌ణ ఎప్ప‌టికి తెగుతుందో..?? ముందు సెకండ్ హీరోయిన్‌ని ప‌ట్టుకొందాం, ఫ‌స్ట్ హీరోయిన్ సంగ‌తి త‌ర‌వాత చూద్దాం అని క్రిష్ చెబుతున్నాడ‌ట‌. బాల‌య్య‌తో ఇప్ప‌టి వ‌ర‌కూ ప‌నిచేయ‌ని క‌థానాయిక‌కే ఆ అవ‌కాశం వెళ్ల‌బోతోంద‌ని తెలుస్తోంది. మ‌రి ఎవ‌రో ఆ ల‌క్కీ నాయిక‌.