ఓ సినిమా విడుదలకు ముందే… అందులో నటించిన హీరో- హీరోయిన్లకీ, ఆ సినిమా తీసిన దర్శకుడికీ క్రేజీ ఆఫర్లు వస్తున్నాయంటే – ఆ సినిమాకి ఎలాంటి బజ్ ఉందో ఊహించుకోవొచ్చు. టాలీవుడ్ మొత్తాన్ని తన వైపుకు తిప్పుకున్న ఆ సినిమానే.. `ఉప్పెన`. తొలి సినిమా రిలీజ్ కాకముందే.. వైష్ణవ్ తేజ్, కృతి శెట్టి బిజీ అయిపోయారు. ఈ సినిమాకి మూలమైన బుచ్చి బాబు కూడా.. అంతే బిజీ.
రెండో సినిమా కూడా మైత్రీ మూవీస్ లోనే చేయబోతున్నాడు బుచ్చి. మైత్రీకి బుచ్చి అంటే ఎంత నమ్మకం అంటే… `రెండో సినిమాకి నీకు స్టార్ హీరోని ఇస్తాం` అని చెప్పి మూడు ఆప్షన్లు కూడా ఇచ్చేశారు. ఆ హీరోలే.. ఎన్టీఆర్, ప్రభాస్… చరణ్. ఈ ముగ్గురి కాల్షీట్లూ.. మైత్రీ దగ్గరే ఉన్నాయి. కాబట్టి.. బుచ్చి ఎవరిని ఒప్పిస్తే… వాళ్లతో మైత్రీ సినిమా ప్రకటించేస్తుంది. ఎన్టీఆర్ తో బుచ్చికి మంచి బాండింగ్ ఉంది. నాన్నకు ప్రేమతో.. సినిమా కి బుచ్చి సహాయ దర్శకుడిగా పనిచేశాడు. ఆ సమయంలోనే ఎన్టీఆర్కి ఓ కథ చెప్పాడు బుచ్చిబాబు. అన్నీ కుదిరితే.. ఎన్టీఆర్ తోనే బుచ్చిబాబు సినిమా ఉండొచ్చు. `ఉప్పెన` రేంజ్ ని బట్టి… బుచ్చిబాబు ఎవరితో సినిమా చేస్తాడన్నది డిసైడ్ అవుతుంది. ఈ సినిమా సూపర్ హిట్టయితే మాత్రం బుచ్చి కోరుకున్న హీరోతో… మైత్రీ సినిమా తీసేయడం ఖాయం.
