కరోనా విజయతాండవం చేస్తోంది. వరుసగా టాలీవుడ్ సెలబ్రెటీలు కన్నుమూస్తున్నారు. ఈ రోజు పొద్దుట.. కెవి ఆనంద్ మృతి చెందారు. ఇప్పుడు టాలీవుడ్ కి చెందిన మరో దర్శకుడు సైతం.. కరోనాకి బలయ్యారు. తనే కుమార్ వట్టి. శ్రీ విష్ణుతో `మా అబ్బాయి` చిత్రంతో దర్శకుడిగా పరిచయం అయ్యారు కుమార్. కొన్ని రోజుల క్రితం ఆయనకు కరోనా సోకింది. రెండ్రోజుల నుంచీ ఆయన పరిస్థితి విషమంగా మారింది. కొద్దిసేపటి క్రితం ఆయన తుది శ్వాస విడిచారు.
కుమార్ వయసు 39 ఏళ్లు. స్వస్థలం శ్రీకాకుళంలోని నర్సన్నపేట. దర్శకుడు పరశురామ్ దగ్గర `ఆంజనేయులు`, `సోలో`, `సారొచ్చారు`. సహాయకుడిగా పనిచేశారు. మార్తాండ్ కె.వెంకటేష్ దగ్గర అసిస్టెంట్ ఎడిటర్ గా 35 సినిమాలకు సహాయం అందించాడు. 2017లో దర్శకుడిగా మారారు. ఇప్పుడు ఓ కథ తయారు చేసుకుని, నిర్మాతలకు కూడా వినిపించారు. త్వరలో.. ఆ సినిమాకి సంబంధించిన అధికారిక ప్రకటన రావాల్సివుంది. ఈలోగానే.. కరోనా బలి తీసుకుంది.
