డీజే టిల్లు రిలీజ్కు ముందు ఆ సినిమాపై ఎవరికీ పెద్దగా అంచనాలు లేవు. కానీ అనూహ్యమైన విజయాన్ని అందుకొంది. దానికి రెట్టింపు లాభాలు ‘టిల్లు స్క్వేర్’తో రాబట్టారు. ఇప్పుడు ‘టిల్లు క్యూబ్’ కూడా రాబోతోంది. సిద్దు జొన్నలగడ్డ అందుకు తగిన కథని రెడీ చేసుకోవంలో బిజీగా ఉన్నాడు. సిద్దు ప్రస్తుతం బొమ్మరిల్లు భాస్కర్ దర్శకత్వం వహిస్తున్న చిత్రంలో నటిస్తున్నాడు. ‘జాక్’ అనే పేరు పెట్టారు. ఇది పూర్తయిన తరవాతే ‘టిల్లు క్యూబ్’ పట్టాలెక్కుతుంది.
‘టిల్లు’లో నేహా శెట్టి కథానాయికగా నటించింది. అప్పటికి ఆమెకు ఎలాంటి క్రేజ్ లేదు. ‘టిల్లు’ రిలీజ్ అయ్యాక తను కూడా పాపులర్ అయిపోయింది. ‘టిల్లు స్క్వేర్’లో అనుపమ పరమేశ్వరన్ వచ్చి చేరింది. క్యూబ్ లో ఓ స్టార్ హీరోయిన్ని రంగంలోకి దింపే ప్రయత్నాల్లో ఉంది చిత్రబృందం. తమన్నా, సమంత.. ఇలా కొంతమంది పేర్లు పరిశీలనలో ఉన్నాయి. టిల్లు స్క్వేర్లో అనుపమతో పాటుగా నేహా ఎలా కనిపించిందో, టిల్లు క్యూబ్లో ఆ స్టార్ హీరోయిన్తో పాటుగా నేహా, అనుపమ దర్శనమివ్వబోతున్నారు. బడ్జెట్ విషయంలోనూ టిల్లు క్యూబ్ వెసులుబాటు దొరికింది. ఈసారి టిల్లు గాడి హంగామా.. ఫారెన్లో ప్లాన్ చేస్తున్నట్టు టాక్.
