దిశా పటానీ.. తెలుగు వారికి ‘లోఫర్’ సినిమాతో పరిచయం అయిన హీరోయిన్. వరుణ్ తేజ్ హీరోగా రూపొందిన ఈ సినిమాతో తన అదృష్టాన్ని పరీక్షించుకుంది దిశా. అయితే అదంతగా కలిసి రాలేదు కానీ.. ఇప్పుడు హిందీలో మాత్రం దిశా దూసుకుపోతోంది. ప్రత్యేకించి ఒక హీరో శ్రద్ధ తీసుకోవడం ఈమె వల్ల ఈమె కెరీర్ ఊపందుకొంటోంది. దిశా పట్ల ఇలా శ్రద్ధ తీసుకుంటున్నది మరెవరో కాదు.. టైగర్ ష్రాఫ్. అలనాటి బాలీవుడ్ స్టార్ హీరో జాకీ ష్రాఫ్ తనయుడు దిశ మీద చాలా శ్రద్ధే తీసుకుంటున్నాడు.
ఇప్పటికే వీళ్లిద్దరూ కలిసి ఒక మ్యూజిక్ వీడియోలో కనువిందు చేశారు. అలా కనిపించిన ఈ లవ్ బర్డ్స్ ఒక పూర్తి స్థాయిలో సినిమా చేయనున్నట్టుగా తెలుస్తోంది. తన తర్వాతి సినిమా లోనూ దిశానే హీరోయిన్ గా కన్ఫర్మ్ చేసుకున్నాడట టైగర్. మరి ఆమె నే ఎందుకు అంటే.. వాళ్లిద్దరూ డేటింగ్ లో ఉన్నారని అంటున్నారు బాలీవుడ్ వాలాలు. దిశా- టైగర్ లు ప్రేమలో ఉన్నారని.. వాళ్లిద్దరూ డేటింగ్ కూడా చేసేస్తున్నారనే వార్తలు వస్తున్నాయి.
ఈ డేటింగ్ లో కూడా పెద్ద గా గ్యాప్ రాకుండా టైగర్ ష్రాఫ్ తన సినిమాల విషయంలో ఆమెనే హీరోయిన్ గా ఎంచుకుంటున్నాడని ప్రచారం జరుగుతోంది. మొత్తానికి తెలుగులో సత్తా చాటలేకపోయినా.. ఆ హీరో సహకారంతో బాలీవుడ్ లో దూసుకుపోతున్నట్టుగా ఉంది దిశాపటానీ.
