గరుడవేగ ప్రీమియర్ షోకి రావాలని స్వయంగా చిరంజీవి ఇంటికి వెళ్ళి రాజశేఖర్, జీవిత దంపతులు చిరంజీవిని ఆహ్వానించిన విషయం తెలిసిందే. అయితే చిరంజీవితో పాటే ఎంతో మందిని ఆహ్వానించినా, చిరంజీవిని ఆహ్వానించడం మాత్రం ప్రత్యేకంగా హైలెట్ అయింది. కారణాలు తెలిసిందే. అయితే జీవిత దీనిమీద స్పందించారు
“ఎందుకు ప్రతి ఒక్కరూ చిరంజీవి గారిని కలిసింది ఇష్యూ చేస్తారో నాకు తెలియట్లేదు. మేము ఎన్నో ఈవెంట్స్లో చాలా సార్లు కలిశాం. మా మధ్య శతృత్వం ఏమీ లేదు. మేము సీఎం, మహేష్ బాబు వంటి ఎందరినో కలిసి ప్రీమియర్ షోకి రావాలని ఆహ్వానించాం. అలాగే చిరంజీవి గారిని కూడా ఆహ్వానించాం.” అన్నారు జీవిత. అయితే జీవిత అన్నయ్య సడెన్గా మృతిచెందడంతో ప్రీమియర్ షో ఆగిపోయింది. ఇక సినిమా మంచి టాక్, వసూళ్ళతో కొనసాగుతున్న విషయం తెలిసిందే.
ఇక ‘పిఎస్వి గరుడవేగ’ సినిమా ఆద్యంతం ఆకట్టుకునేలా ఉందని మెగాస్టార్ చిరంజీవి ప్రశంసించారు. ‘గరుడ వేగ’ సినిమాను ప్రత్యేక తెరపై వీక్షించిన చిరంజీవి చిత్ర యూనిట్పై ప్రశంసలు గుప్పించారు. హాలీవుడ్ తరహాలో సినిమా ఉందని, రాజశేఖర్ కు రీ ఎంట్రీగా ఈ సినిమా సరైనదని కితాబిచ్చారు.
