విజయ్, వెంకట్ ప్రభు కలయికలో వస్తున్న చిత్రం ‘ది గోట్’(ది గ్రేటెస్ట్ ఆఫ్ ఆల్ టైమ్). మీనాక్షి చౌదరి హీరోయిన్. సెప్టెంబర్ 5న ఈ సినిమా ప్రేక్షకుల ముందుకు వస్తోంది. తాజాగా ట్రైలర్ ని వదిలారు. ఈ సినిమా నుంచి వచ్చిన విజయ్ లుక్స్, గెటప్స్ కొన్ని వెరైటీగా అనిపించాయి. అయితే ఈ లుక్స్ వెనుక వున్న అసలు కారణం ట్రైలర్ లో చూపించారు. ఇందులో విజయ్ స్పై గా కనిపించబోతున్నాడు. డిఫరెంట్ గెటప్స్ లో వెళ్లి మిషన్స్ పూర్తి చేసుకొని రావడం అతని డ్యూటీ.
జేమ్స్ బాండ్ లాంటి క్యారెక్టర్ ఇది. యాక్షన్ సీన్స్ హెవీగా వున్నాయి. విజయ్ కి తండ్రి పాత్ర కూడా వుంది. స్నేహ, లైలా, ప్రశాంత్, ప్రభుదేవా లకు ట్రైలర్ చోటు దక్కింది. విక్రమ్ ప్రభు స్క్రీన్ ప్లేలో మ్యాజిక్ వుంటుంది. ఇందులో కూడా నాన్ లీనియర్ గా కథ నడుస్తుందని ట్రైలర్ చూస్తే అర్ధమౌతుంది. యువన్ శంకర్ బీజీయం గ్రిప్పింగ్ గా వుంది. ట్రైలర్ లో విజయ్ మార్క్ డైలాగులు వున్నాయి. ట్రైలర్ సినిమాపై ఆసక్తిని కలిగించింది. మైత్రీ మూవీ మేకర్స్ ఈ సినిమాని తెలుగులో విడుదల చేస్తున్నారు.
