సినిమా ఈవెంట్ల యందు… ‘కల్కి’ ఈవెంట్ వేరయా.. అనేంత రేంజ్ లో ఈరోజు రామోజీ ఫిల్మ్ సిటీలో ‘కల్కి’ షో కోసం ఏర్పాట్లు జరుగుతున్నాయి. ఈ పాన్ వరల్డ్ ప్రాజెక్ట్ కోసం అభిమానులు ఎంతగానో ఆసక్తిగా ఎదురు చూస్తున్నారు. దానికి తగ్గట్టుగానే చిత్రబృందం ఓ ఇన్నోవేటివ్ ఈవెంట్ ఏర్పాటు చేసింది. ఈరోజు సాయింత్రం ఆరు గంటల నుంచి 9 గంటల వరకూ ఈ ఈవెంట్ జరగబోతోంది. ఈ షోకి యువ హీరో తేజా సజ్జా హోస్ట్గా వ్యవహరించబోతున్నాడు. ఇదే షోలో ‘బుజ్జి’ని ఇంట్రడ్యూస్ చేయబోతున్నారు బుజ్జి అనేది ఓ వాహనం. ఈ వాహనానికి కీర్తి సురేష్ వాయిస్ ఓవర్ అందించిన సంగతి తెలిసిందే. వేదికపై ఈ వాహనంలో ప్రభాస్ ఎంట్రీ ఉండబోతోందని తెలుస్తోంది. ఈ కార్యక్రమంలో చిత్రబృందం మొత్తం పాల్గొననుంది. అమితాబ్, కమల్, దీపికా ఈ చిత్రంలో కీలక పాత్రలు పోషించిన సంగతి తెలిసిందే. వాళ్లు మాత్రం ఈ ఈవెంట్ లో కనిపించరు. వాళ్లందరి కోసం ప్రత్యేకంగా మరో ఈవెంట్ ఏర్పాటు చేసే అవకాశం ఉంది.
జూన్ 27న ఈ చిత్రాన్ని ప్రపంచ వ్యాప్తంగా విడుదల చేయబోతున్నారు. ఈ చిత్రానికి సీక్వెల్ కూడా వచ్చే అవకాశం ఉంది. ఆ విషయాన్ని ఈరోజు అధికారికంగా ప్రకటించే ఛాన్స్ కనిపిస్తోంది.
