చిరంజీవి – కొరటాల శివ కాంబినేషన్లో రూపొందుతున్న చిత్రం ‘ఆచార్య’. ఇప్పటికే ఈ సినిమాలో ఇద్దరు హీరోయిన్లు ఉన్నారు. చిరుతో కాజల్ జోడీ కడుతుంటే, ఓ గీతంలో రెజీనా కనిపించబోతోంది. ఈ చిత్రంలో రామ్ చరణ్ ఓ కీలకమైన పాత్రలో కనిపించబోతున్న సంగతి తెలిసిందే. చరణ్ పక్కన నాయికగా చాలామంది పేర్లు పరిశీలనలో ఉన్నాయి. ఆ పేరు కూడా ఖాయమైపోతే.. మూడో హీరోయిన్ కూడా చేరిపోయినట్టే.
అయితే ఇక్కడితో చిరు – కొరటాల ఆగడం లేదు. మరో కథానాయికనీ చూపించబోతున్నార్ట. ఈ చిత్రంలో ఓ కీలకమైన సన్నివేశంలో ప్రముఖ కథానాయిక అతిథి పాత్రలో కనిపించనున్నదని సమాచారం. ఆ పాత్ర కోసం తమన్నాని ఎంచుకున్నారని ప్రచారం జరుగుతోంది. తమన్నా కాసేపే ఉన్నా – ఆ సన్నివేశం కథకు చాలా కీలకంగా మారబోతోందని టాక్. వీలైతే తమన్నాకి ఓ గీతంలోనూ చూపించే అవకాశాలున్నాయట. అయితే ఇదంతా చర్చల్లో ఉంది. ఆ సన్నివేశంలో ఎవరిని చూపించాలి? ఆ సన్నివేశం నిడివి ఎంత? అనేది ఇంకా చర్చల దశలోనే ఉంది. తమన్నా మెగా కుటుంబానికి అచ్చొచ్చిన నాయిక. చిరు, పవన్, అల్లు అర్జున్, చరణ్… వీళ్లందరితోనూ నటించేసింది. `ఆచార్య`లోనూ ఫైనల్ అయితే – ఈ ప్రాజెక్టు మరింత గ్లామరెస్గా తయారవుతుంది.
