తమన్నా – సత్యదేవ్ కాంబినేషన్లో `గుర్తుందా శీతాకాలం` ఇటీవలే శ్రీకారం చుట్టుకుంది. అయితే… ఈ సినిమాకి అనుకోని అవంతరాలు వచ్చాయని, తమన్నా బయటకు వెళ్లిపోవడం వల్ల, ఈసినిమా ఆగిపోయిందని ఇండ్రస్ట్రీ వర్గాల్లో గుసగుసలు వినిపించాయి.
కానీ… ఈ సినిమా ఆగిపోలేదు. త్వరలోనే పట్టాలెక్కబోతోంది. అందుకు ఊతమిస్తూ… చిత్రబృందం ఇప్పుడు ఆడిషన్స్ కోసం పిలుపు ఇచ్చింది. కథానాయకుడి ఫ్లాష్ బ్యాక్ పాత్ర కోసం ఓ అబ్బాయిని వెదికి పట్టుకునే పనిలో పడింది. 12 నుంచి 15 ఏళ్లలోపు అబ్బాయి కావాలని ప్రకటించింది. తమన్నా ఈ సినిమాలో నటిస్తోందని, త్వరలోనే షూటింగ్ మొదలవుతుందని క్లారిటీ ఇచ్చింది. నాగశేఖర్ ఈ చిత్రానికి దర్శకుడు.
