అదేంటో ఈమధ్య తమన్నాకు అన్నీ బాగా కలిసొస్తున్నాయి. మంచి ఆఫర్లు అందుతున్నాయి. వరుస సినిమాలతో తమన్నా ఫుల్ బిజీ అయిపోయిందిప్పుడు. తన కెరీర్లో తొలిసారి లేడీ ఓరియెంటెడ్ సినిమా అభినేత్రిలో నటిస్తోంది. బాలీవుడ్ నుంచి కూడా మళ్లీ పిలుపొచ్చింది. రణవీర్ సింగ్కి జోడీగా ఓ సినిమాలో నటించబోతోంది. ఇప్పుడు మరో క్రేజీ ఆఫర్ దక్కించుకొన్నట్టు టాక్. ఫ్రెంచ్ మూవీ అన్టచ్బుల్స్ రీమేక్ హక్కుల్ని కరణ్జోహార్ దక్కించుకొన్నారు. ఆ సినిమా తెలుగులో ఊపిరిగా వచ్చి మంచి విజయా్నని అందుకొంది. ఇప్పుడు హిందీలో ఈ సినిమాని తెరకెక్కించబోతున్నారు. కథానాయకుడి సెకరెట్రీ పాత్ర.. మళ్లీ తమన్నాకే దక్కినట్టు టాక్.
ఇటీవల ఊపిరి సినిమా చూసిన కరణ్.. ఆ పాత్రకు హిందీలో కూడా తమన్నా అయితేనే బాగుంటుందని భావిస్తున్నారట. ఈ విషయమై కరణ్ తమన్నాతో సంప్రదింపులు కూడా జరిపారని, కరణ్ జోహార్ సినిమా అనగానే తమన్నా కూడా మరో విషయం ఆలోచించకుండా ఒప్పుకొందని తెలుస్తోంది. హిమ్మత్ వాలాతో బాలవుడ్ని ఓ ఊపు ఊపేద్దామనుకొన్న తమన్నాకు అక్కడ చేదు అనుభవం ఎదురైంది. అయినా సరే.. వరుసగా ఇలా క్రేజీ ఆఫర్లు అందుకొంటోందంటే మామూలు విషయం కాదు కదా. బాలీవుడ్లో తమన్నా పంట పండినట్టే.
