99వ సినిమా డిక్టేటర్ తో మరోసారి తనలో ఉన్న మాస్ యాంగిల్ తో ప్రేక్షకులను, నందమూరి అభిమానులను అలరించిన బాలయ్య ఇప్పుడు తన 100వ సినిమాకు కావాల్సిన కార్యక్రమాలను కూడా మొదలెట్టాడు. ఇప్పటికే తన 100వ సినిమా ఆదిత్య 369కు సీక్వెల్ గా ఆదిత్య 999 అంటూ సంచలన నిర్ణయం తీసుకున్న బాలకృష్ణ మరోసారి తన నవరస నటనా సౌరభాన్ని చూపించనున్నాడు. సింగీతం శ్రీనివాస్ దర్శకత్వంలో టైం మిషన్ కాన్సెప్ట్ తో వచ్చిన ఆదిత్య 369 అప్పట్లో సంచలన విజయం దక్కించుకుంది.

తన 100వ సినిమా చరిత్రలో మిగిలిపోయేలా ఉండాలని ఆదిత్య సీక్వెల్ మూవీకి రంగం సిద్ధం చేసుకుంటున్నాడు బాలయ్య బాబు. అయితే సినిమాకు కథ, కథనాలు ఎవరు అందించనున్నారన్న దాని మీద ఓ క్లారిటీ రాలేదు కాని సినిమాలో ఒక హీరోయిన్ గా మాత్రం తాప్సీని తీసుకున్నారని విశ్వసనీయ సమాచారం. సౌత్ లో సూపర్ క్రేజ్ ఉన్న తాప్సీ కొంతకాలం తెలుగు సినిమాలు చేసినా ఇప్పుడు తమిళ సినిమాలకే పరిమితమైంది.

ఇక అమ్మడు బాలీవుడ్ లో కూడా అప్పుడప్పుడు తన అదృష్టాన్ని పరిక్షించుకుంటుంది. ఎంతో ప్రతిష్టాత్మకంగా తెరకెక్కబోతున్న ఆదిత్య 999 సినిమాకు సడెన్ గా తాప్సీ పేరు తెర మీదకు రావడం తెలుగులో క్రేజీ హీరోయిన్స్ కు మింగుడుపడని వార్త అయ్యింది. లెజెండ్, లయన్, డిక్టేటర్ సినిమాల్లో హీరోయిన్ గురించి అంత ఎక్కువ ప్రాధాన్యత ఇవ్వని బాలయ్య ఈ సినిమాకు మాత్రం ముందునుండి అన్ని జాగ్రత్తలు తీసుకుని ఆ పాత్రకు ఎవరైతే బాగుంటారో వారికి డేట్స్ అడ్జెస్ట్ అయ్యేలా చర్చలు జరుపుతున్నారట. తాప్సీ సెలక్షన్ నిజమే అయితే అమ్మడికిది ఓ లక్కీ చాన్స్ అన్నట్టే. మీరేమంటారు రీడర్స్..!